ABEKHIT 14:11 - AMÜSÜH HÜM CL Bible (BSI)

¹¹ Judüki arünü Mosa ki tha, “Ijip ching kiuyuk mülakhinü isa sunglo ching sheshihpü nünü bede arükhea de? Tümüde nünü isa Ijip chingnü bekhitkhea?

ABEKHIT 14:11 Iomraidhean Croise

THRÜNTAN 43:6

Tüsho Israelnü tha, “Nüsanü mihtsürü ki ju nüsa niurü püpü she lah de athakhinü tümüde I küpkhukshihcho?”

ABEKHIT 13:17

Küyimki Pharaonü mihtsürübo tsoshihkheanü, Thrünpuhnü aphünibe thsüa lalashe arübo Filistia lomi limronü mübe, tümüde Thrünpuhnü tha, “Arünü thirithsü ngüsho mihtsürübonü lümkhi müthribah tüsho Ijip lim rholode ayübah.”

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 5:21

Tüsho arünü ane ki tha, “Nükenü Pharao tüsho api torübo khah ching nukshang zhimshihbah isa laksahshihpü thsüde arünü isa thraneanshihkhi hode Atungpuhnü nüke kheak kheahshang tüsho mahkhapshang.”

ABEKHIT 5:22

Judüki Mosanü Atungpuh kilim rholobah tha, “Atungpuh , tümü thsükhi nünü nü mihtsürübo kheak küpkhuk hande arükhea? Tümüde nünü I ha ching arüshihkhea?

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 11:15

Nünü I kheak ha ruk rhimobasho, muzhobah kheakü ha chingnü I laksahang, jude athsükhi hode I küpkhukkhi inü müngülonü.”

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

WÜHKHE 16:41

Ashidopü Israel mihtsürü boto alalanü Mosa tüsho Aron azhihde tha, “Nüsanü Atungpuh mihtsürü laksahdo.”