ABEKHIT 13:9 - AMÜSÜH HÜM CL Bible (BSI)

⁹ Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 13:9 Iomraidhean Croise

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

MUNGSHIKHÜN 136:11

tüsho arü bolungnü Israel bekhit, tümüde api amüthsüm lünnü rünkhiungde lah;

MUNGSHIKHÜN 136:12

amürang khah tüsho chungkihkhi binnü, tümüde api amüthsüm lünnü rünkhiungde lah;

MUNGSHIKHÜN 89:13

Nü bin amürang lah; amüküp ju nü khah, tüsho achang ju nü khah tsülim ah.

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:16

Ha nü khah kheak amütsan khülang tüsho nü kingkang kheak amümihbe khülang labah, tümüde Atungpuh khah adüküngnü isa Ijip chingnü bekhit.”

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

MÜCHITMUDU 1:9

tümüde jurübo nü ku kheak akhamdak zülubo tüsho nü hung mükamde lakbo thsübah.

MÜCHITMUDU 3:21

I tsah-a, lümlung atsü tüsho adüngakhi zoang; jurü nü mikinü dakhinshih,

MÜCHITMUDU 7:23

hühzonü api müsan müchinkhityi khiungde; wuhnu khülang qimürip lim athride ayükhi nangde–hanü api rhangdung lubah de apinü mümükheah.

KHÜNBOLUNGKHÜN 8:6

I nü mulong kheak yümkihkhi nangde, nü bin kheak yümkihkhi nangde zoang; tümüde amuzho ju ashebe nangde müranglah, mükthsükhi kiuyuk nangde bukakhiukkhi lah. Atrukhi ju, mo trukhi, momulo nangde lah.

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 44:5

Khülangnü athabah, “ I Atungpuh yo,” püpü ju Jakob mungnü ajibah, kheaküshe püpü ju khah kheak thrütbah, “Atungpuh yo,” tüsho Israel mung jimulobah.

ISAIA 49:16

Kheahang, inü nü I müyilung kheak thrütkihdo; nü chipibo mutuklode I miki lah.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

JEREMIA 22:24

Atungpuhnü thachoh, Jehoiakim tsührü, Juda kiulongthsüpuh Jehoiakin I khah tsülim peang mütsan-dokhi yingkhüm thsüthsü she, ju chingnü she inü nü rukkhita bahbah

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

WÜHKHE 15:39

Tüsho nüsa kheak hingmüngam müchekhi ju alabah, tüsho ju kheak kheahbahle Atungpuh yukhümbo lümkhitbah, tüsho jurübo rhimobah, tüsho jude athsükhinü nüsa mulong tüsho nüsa müknü abekhi lim müzammüramde nüsanü müyü,

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

ROMRÜ KILIM PAULNÜ ATHRÜTKHI KIHÜM HUHTANYU 10:8

Tüshe hanü tümü thacho? Thiyu ju nü thüninde, nü münküp kheak tüsho nü mulong ching lah (ju, isanü thsangyuthsangrakhi akin yu);

YUZÜNGTHALO 30:14

Tüshe thiyu ju nü ki khide thüninde, nü mün ching tüsho nü mulong ching lah, junangde nünü ju rhimobah.

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.

YUZÜNGTHALO 6:21

Judüki nünü nü tsührü ki thabah: Isa Ijip ching Pharao bukkhüp azhorü lakheah, tüsho Atungpuh khah ato hode isa Ijip chingnü bekhit;

YUZÜNGTHALO 6:6

Tüsho inü khihni thiyukhüm jihkhi yu ha nüsa mulong ching labah;

YUZÜNGTHALO 6:8

Jurübo mütsan thsüde nüsa khahbo tüsho nüsa kingkangbo kheak rümkihang.

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”

MAHKHAPRÜ 2:12

tüsho arünü arü bebuhrü Atungpuh , Thrünpuh arü Ijip lomi chingnü bekhitbuh bahyuk; tüsho arünü arü mühi lakhi thrünpuhbo ki mükhümde kingaün; tüsho arünü Atungpuh bukakhiukshih.