ABEKHIT 13:5 - AMÜSÜH HÜM CL Bible (BSI)

⁵ Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 13:5 Iomraidhean Croise

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIUTHSÜYUKHEAN 1:15

Hivrü, Arkrü, Sinirü,

ABEKHIT 12:24

Tüsho nüsanü ha nüsa le nüsa tsührübo thsungkheak lünnü thiyuzüng kamde aleangkhibah.

ABEKHIT 13:10

Jumonü nüsanü ha arüngako kam aban akheahmünchi ching laang.

ABEKHIT 13:11

“Küyimki Atungpuhnü nüsa le nüsa jipürü ki alokhikhi Kananrü lo ching nüsa bede yüzahbanü tüsho nüsa jihbanü,

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

WÜHKHE 11:12

Harü mihtsürü ha inü alashihkhea de? Inü zübekhea de, junangde arübo khungarü buhrünü abuhkhi nangde I khüh kheaknü shuhbah arü jipürü ki thiyuchihchimkhi lo ching hanbah yüang de nünü küde I ki thacho?

WÜHKHE 13:27

Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

WÜHKHE 14:16

‘ Tümütüsho Atungpuhnü harü mihtsürübo apinü ajihpü alokhikhi lo ching bebah marükhuk, jumonü apinü arübo sunglo ching laksah-a lah.’

WÜHKHE 14:30

Jephunne tsührü Kaleb tüsho Nun tsührü Jihusua ane kheak hode, nüsa sheshe inü alokhikhi lo ching müyüzah.

WÜHKHE 32:11

‘ Tsükjide Ijip chingnü aturü, kam mukunü akumung shenü she inü Abraham, Isak, tüsho Jakob ki thiyuchihchimkhi lo müngü, tümütüsho arü mulong athrünkhinü I müyan.

YUZÜNGTHALO 12:29

“Küyimki Atungpuh nüsa Thrünpuhnü trükshihbo nüsa müngühnü adükheakshihbanü tüsho nüsanü arü yankhita bahbah arü lo ching labanü,

YUZÜNGTHALO 19:1

“Atungpuh nüsa Thrünpuhnü küyimki nüsa kilim jihkhi lo ching larü dükheakshihbanü tüsho nüsanü arü yankhita bahbah arü kiuto tüsho thüyambo ching labanü,

YUZÜNGTHALO 26:1

“Küyimki nüsa Atungpuh nüsa Thrünpuhnü yamrüplurüp jihkhi lo ching arübanü, tüsho müküh-a ju ching labanü,

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.