ABEKHIT 13:3 - AMÜSÜH HÜM CL Bible (BSI)

³ Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:3 Iomraidhean Croise

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

1 KIULONG THSÜRÜ 8:42

tümüde arünü nü mung ato, nü khah sühmüh, tüsho nü bin chungkhitkhi sobah küyimki khiungkerü khülang arüba tüsho ha yam lim tamkhüntamnüba,

1 KIUTHSÜYUKHEAN 16:12

Apinü arhimokhi amüyinsahbe rhimobo, api khinthiyinbebo, tüsho apinü athakhi mahkhapkhibo lümkhitang,

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 105:5

Apinü athsükhi api amüyinsahbe rhimobo lümkhitang, api amüyinsahbebo tüsho api mün chingnü mahkhapkhibo,

MUNGSHIKHÜN 114:1

Küyimki Israel ju Ijip chingnü, Jakob yamkhün khiungkerü yutha chingnü wukhiukkhea,

MUNGSHIKHÜN 136:11

tüsho arü bolungnü Israel bekhit, tümüde api amüthsüm lünnü rünkhiungde lah;

MUNGSHIKHÜN 136:12

amürang khah tüsho chungkihkhi binnü, tümüde api amüthsüm lünnü rünkhiungde lah;

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:17

Jumonü nüsanü phaüm muyukkhi thünio mungbah, tümüde ha nimung ching inü nüsa bonungrü Ijip lomi chingnü abekhitkheah. Jumonü nüsanü ha nimung ju nüsa lünbo alala ching akheam müla yuzüng kamde mungde laang.

ABEKHIT 12:19

Nimung thüne nüsa yambo ching phaüm müngüshih, tümütüsho shepünü phaüm yukkhi tsühbanü, khiungkerü yungsho ha lo ching asürükhi thsüthsü ju mihtsürü Israel amukhungrü bolungnü khekhita bahbah.

ABEKHIT 12:2

“Ha khinu ha nüsa thsungkheaknü kam yo akhuhbe khinu labah.

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 12:42

Ha tsüngre ju arü Ijip lomi chingnü bede akhiukkhi thsungkheak arüngako lakheah. Ha Atungpuh tsüngre ju Israelrü alalanü arü lün amuyung arüngakopü lakheah.

ABEKHIT 12:8

Ju re arünü ashihtsü tsühbah; mo chingnü angukhi, phaüm muyukkhi tüsho akhüh sangyü bede arünü ju tsühbah.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 20:8

“Amunimung müsühde azopü lümkhitang.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 3:20

Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

JEREMIA 34:13

Atungpuh , Israel Thrünpuhnü ha thachoh: Inü nüsa jipürü azhorü yamkhün chingnü bekhitchoki inü arü ki tangzüng khülang thsüde tha,

DANIEL 9:15

Kheakü, O Atungpuh isa Thrünpuh, shepünü khah ato hode nü mihtsürü Ijip chingnü bekhit tüsho khihni ha khiungde nü mung thude kamshihkhea, isanü neak yihbeakdo, isanü amülim thsüdo.

MATHI 10:12

Nüsa thüyam ching yüzahchoki salüm jihang.

LUKNÜ ATHRÜTKHI THIYUSHEAK-ATSÜ HUHTANYU 22:19

Tüsho apinü yikhap lubah makshe jih tüsho ju yihnakbah arü kilim jihde tha, “Ha nüsa dünkheak jihkhi I pang ah; ha I lümkhitde rhimoang.”

1 KORINT 11:24

tüsho küyimki apinü makshe jihkheanü yihnak tüsho tha, “Ha athsümünimkhi I pang ah. I lümkhitde ha rhimoang.”

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

EFISIA 1:19

tüsho tümü ju api wu ato rhimokhi yande akinrü isa kilim makekhukkhi api sühmüh tokhi la,

YUZÜNGTHALO 13:10

Tüsho nüsanü api lungnü arusahbah, tümütüsho apinü Atungpuh nü Thrünpuh shepü hode Ijip lo tüsho azhorü yamkhün chingnü abekhitkheanü, api kheaknü bephülapde atsopü rük yim.

YUZÜNGTHALO 13:11

Jumonü Israelrü alalanü asobah tüsho wüntrebah, tüsho hadürü amütsü rhimo küyimkishe mürhimolo.

YUZÜNGTHALO 13:5

Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 13:6

“Nü khiung, nü be tsührü, nü tsührü yungsho tsührübe, nünü amuzhokhi yamkhünberü yungsho nü ki mulong khülang thsükhi müyamrünü nü bephülappü thsüde hade thasho, Isanü yübah püpürü thrünpuhbo tankihanü, shepü nü tüsho nüsa jipürünü mümükheah,

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

YUZÜNGTHALO 16:12

Tüsho nüsa Ijip ching azhorü lakheah de nüsanü lümkhitang, tüsho nüsanü harü yuzüngbo anide arhimopü kümkangde alabeah.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 24:18

Tüshe nü khülang ki Ijip ching azhorü lakheah tüsho Atungpuh nü Thrünpuhnü nüsa ju chingnü rhokhitdo de lümkhitang; jumonü inü ha rhimopü nüsa ki thiyukhüm jih.

YUZÜNGTHALO 24:22

Tüsho khülang ki nü Ijip lomi ching azhorü lakheah de lümkhitang; jumonü ha rhimopü inü nüsa ki thiyukhüm jihchoh.

YUZÜNGTHALO 26:8

tüsho Atungpuhnü isa api wu-sühmüh khah chunghuhde, atrebe amütsan tüsho mihmüyinsahbe thsüde Ijip chingnü bekhit;

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 5:15

Tüsho nü Ijip lo ching azhorü lakheah de lümkhitang, tüsho Atungpuh nü Thrünpuh khah ato chunghuhde ju chingnü nü bekhit; jumonü Atungpuh nü Thrünpuhnü amunimung arüngshihpü nü kilim thiyukhüm jih.

YUZÜNGTHALO 5:6

I nüsa Ijip lomi, azhorü kuhi chingnü abekhitbuh Atungpuh nüsa Thrünpuh.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

YUZÜNGTHALO 6:21

Judüki nünü nü tsührü ki thabah: Isa Ijip ching Pharao bukkhüp azhorü lakheah, tüsho Atungpuh khah ato hode isa Ijip chingnü bekhit;

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

YUZÜNGTHALO 9:12

“Tüsho Atungpuhnü I ki tha, Asürang, ha chingnü nahde yükiang; tümüde nünü Ijip chingnü bedarükhi nü mihtsürübonü thsümünimde rhimodo; inü arü ki thiyukhüm jihkhi limro chingnü arübo nahde tsoakhindo; arünü arü thsungkheak sangthsü rhimoa lah.

JIHUSUA 24:17

tümüde Atungpuh isa Thrünpuhnü isa jipürü tüsho isa Ijip azhorü kuhi chingnü bedarü, tüsho apinü amüyinsahbe rhimokhi isanü ngü. Isanü hode arükhi limro tüsho mihtsürü bolung chingnü apinü isa khümkhit;

MAHKHAPRÜ 2:12

tüsho arünü arü bebuhrü Atungpuh , Thrünpuh arü Ijip lomi chingnü bekhitbuh bahyuk; tüsho arünü arü mühi lakhi thrünpuhbo ki mükhümde kingaün; tüsho arünü Atungpuh bukakhiukshih.

MAHKHAPRÜ 6:8

Atungpuhnü Israel mihtsürü kilim wukihrü khülang thiyi; tüsho apinü arü ki tha, “Atungpuh Israel Thrünpuhnü ha thachoh: Inü nüsa Ijip lomi azhorü kuhi chingnü bekhit;