ABEKHIT 13:17 - AMÜSÜH HÜM CL Bible (BSI)

¹⁷ Küyimki Pharaonü mihtsürübo tsoshihkheanü, Thrünpuhnü aphünibe thsüa lalashe arübo Filistia lomi limronü mübe, tümüde Thrünpuhnü tha, “Arünü thirithsü ngüsho mihtsürübonü lümkhi müthribah tüsho Ijip lim rholode ayübah.”

ABEKHIT 13:17 Iomraidhean Croise

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

ABEKHIT 14:10

Küyimki Pharao phünide ayükhea, Israelrünü zünga kheah, tüsho Ijiprü arü dunglim müshamde alakheah. Jumonü arünü khide tre, tüsho Israelrünü Atungpuh ki zhi.

YUNIRÜBO RHIMO 15:38

Tüshe shepü Pamphylia ching tuklobah arü lung rhimo ching müyükheanü Paulnü arü lung mübepü tsülah de lüm.

YUNIRÜBO RHIMO 7:39

Isa jipürünü api ki mihyumanide bahyuk, tüsho arü mulong ching Ijip lim yülode,

YUZÜNGTHALO 17:16

tüshe kiulongthsüpuhnü anihbuh bonungrü thsungkheak khora hihde mubushihbeah, tüsho apinü mihtsürübo khora thulopü Ijip ching müyüshihbeah, tümütüsho api mihtsürü küyimkishe ju ching alode müyüshihpü Atungpuhnü thado.

YUZÜNGTHALO 20:8

“Kheaküshe atorübonü mihtsürübo ki thabah, ‘ Mihtsürü shepünü trecho tüsho mulong ninicho? Api thüyam lim alode yüshang, jude yungsho api nangde keoniorübo she mulong ninibah.’

YUZÜNGTHALO 28:68

Tüsho Atungpuhnü nüsa ki ha ruk thakhi limro yande sangkung chingnü Ijip lim belobah ayübah, ‘Nüsanü küyimkishe müngülo.’ Tüsho ju ching nüsabo riri ki athrürü tüsho aliberü azhorü thsüde ayinbah, tüshe shenü nüsa muthulo.”

IBRI 11:27

Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk.

MAHKHAPRÜ 7:3

kheakü mihtsürübo ki zhia mükheahshang, ‘ Khürü trede ajansho rholode Gilead wung bahbah tsoang.’” Jumonü mihtsürü 22,000 alode tsobah 10,000 aninglo.