ABEKHIT 13:15 - AMÜSÜH HÜM CL Bible (BSI)

¹⁵ Küyimki Pharaonü isa tsoshihpü nihnihkheanü, Atungpuhnü Ijip lomi ching akhuh zübekhi mihtsürü tüsho shiwüh laksah. Jumonü shiwüh akhuh anukhi pungbo Atungpuh kilim jihchoh, tüshe akhuh zübekhi I tsührübo a inü rhokhitchoh.’

ABEKHIT 13:15 Iomraidhean Croise

MUNGSHIKHÜN 105:36

Apinü Ijip yamkhün alala ching tsührü adüjirü alala laksah.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 3:19

Wuto khahnü api ki münimkihsho, Ijip kiulongthsüpuhnü nüsa müyüshih de inü mükheahlah.

ABEKHIT 34:20

Akhuh anukhi donki a nünü namfimihnunu khülangnü rhokhitang, tüshe nünü mürhokhitsho ahung yihshakang. Nü tsührü athrürü adüji alala nünü arhokhitbah. Tüsho sheshe I miki khahkeang darü.

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

WÜHKHE 3:46

Tümüde Israelrü akhuh zübekhibo Levirü kheaknü alü 273 lah, tsührübo alü nünü rhokhitloa alubeah.