ABEKHIT 13:12 - AMÜSÜH HÜM CL Bible (BSI)

¹² akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:12 Iomraidhean Croise

NEHEMIA 10:36

Yakzan ching lakhi nangde tsührü athrürü akhuh zübekhi amükeamrü miki arüngyam ching hande yünü Thrünpuh ki müsükhitbah. Moshi nunu tüsho namfimihnu akhuh adrekhi she müsükhitbah.

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

ABEKHIT 13:1

Judüki Atungpuhnü Mosa ki tha,

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

ABEKHIT 22:28

“Nünü Thrünpuh düluhmüne, yungsho nüsa mihtsürü yakzanshuhrü dathru.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 34:19

Athrürü adüjirü tüsho shiwüh pung adüji moshi yungsho mihnu thsüthsü I yo ah.

ABEKHIT 34:20

Akhuh anukhi donki a nünü namfimihnunu khülangnü rhokhitang, tüshe nünü mürhokhitsho ahung yihshakang. Nü tsührü athrürü adüji alala nünü arhokhitbah. Tüsho sheshe I miki khahkeang darü.

EZEKIEL 16:20

Tüsho nünü I kilim zübejihkhi tsührübo tüsho tsührübebo lu tüsho sangthsübo kilim tsühyungpü nangde shuhmülanga jih. Nü müzammüramkhi musuh de?

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

LEVI 27:26

Akhuhde adrekhi shiwüh ju Atungpuh yo kamabahdo, shenü she dümüsühkhit; moshipung thsüthsü mihnu thsüthsü, ju Atungpuh yo ah.

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

WÜHKHE 3:12

Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah,

WÜHKHE 3:13

tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah.

WÜHKHE 8:17

Tümüde Israelrü mihtsürü bolung akhuh zübekhibo ju mihtsürü yungsho shiwüh thsüthsü I yo ah; inü Ijip lo ching akhuh zübekhi laksah nimung inü arübo I thsungkheaknü müsühkhit,

LUKNÜ ATHRÜTKHI THIYUSHEAK-ATSÜ HUHTANYU 2:23

(ha Atungpuh yakzan ching thrüta lakheah, “Adüjirü athrürü aban Atungpuh kilim amüsüh labah”)

YUZÜNGTHALO 15:19

“Nü moshi tüsho mihnu bolungnü akhuh adrekhi pung alala Atungpuh nü Thrünpuh ki müsühkhitang; nünü akhuh adrekhi moshinü tümü dürhimo, yungsho akhuh adrekhi mihnu kheaknü anam dünip.