ABEKHIT 12:51 - AMÜSÜH HÜM CL Bible (BSI)

⁵¹ Tüsho ju nimung ching Atungpuhnü Israelrü arü bonungrü ayannü Ijip chingnü bekhit.

ABEKHIT 12:51 Iomraidhean Croise

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIULONG THSÜRÜ 6:1

Israelrü Ijip chingnü akhiuk dunglim kam chi phüyikheak zheahrü, Solomon kiulongthsükhi kam phüyipü, khinu mahnepü Khirhim khinu ching apinü Atungpuh yam thsüpü tankih.

2 KIUTHSÜYUKHEAN 14:12

Jumonü Atungpuhnü Asa tüsho Judarü müngüh Sudanrü kuk, tüsho arü tsoabah.

MUNGSHIKHÜN 114:1

Küyimki Israel ju Ijip chingnü, Jakob yamkhün khiungkerü yutha chingnü wukhiukkhea,

MUNGSHIKHÜN 136:11

tüsho arü bolungnü Israel bekhit, tümüde api amüthsüm lünnü rünkhiungde lah;

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 12:50

Atungpuhnü Mosa tüsho Aron ki thiyukhüm jihkhi nangde Israelrü alalanü rhimo.

ABEKHIT 13:1

Judüki Atungpuhnü Mosa ki tha,

ABEKHIT 16:1

Arübo Elim chingnü tsahmusu tüsho Ijip chingnü chamachih dunglim khinu mahne, nimung thürükheak phüngü nipü Israel boto alala Elim le Sinai dükeak Sin sunglo ching arü.

ABEKHIT 19:1

Israelrü Ijip chingnü awukhiuk dunglim khinu asampü ching, ju nimung arübo Sinai Müzüng ching arü.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 6:26

Atungpuhnü Aron tüsho Mosa ki tha: “Israel mihtsürü arü chamnak ayannü Ijip chingnü bekhitang.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

LEVI 23:43

jude athsükhi hode Atungpuhnü Israel mihtsürübo Ijip chingnü abekhitchoki khimyam yancho ching binshih-a lah de nüsa tsühsoniusobonü amükheahbah: I Atungpuh nüsa Thrünpuh.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

WÜHKHE 23:22

Thrünpuhnü arü Ijip chingnü bekhitchoh; arü ju mütüm moshipung nangde sühmüh lah.

WÜHKHE 26:4

“ Mosa tüsho Israel mihtsürübo, Ijip lo chingnü akhiukrübo ki Atungpuhnü thiyukhüm jihkhi nangde mihtsürübo kam mukunü akumung wühkhe luang.” Harü ha Ijip chingnü akhiukkhi Israelrübo:

WÜHKHE 33:1

Harübo ha Mosa tüsho Aron anenü Israel mihtsürü arü bonungrü bebah Ijip ching hantsahkhibo ah.

YUNIRÜBO RHIMO 13:17

Ha Israel mihtsürü Thrünpuhnü isa jipürübo mokhitbah arü Ijip lomi ching lachoki ato kamshih, tüsho khah shuhkihde apinü arübo ju chingnü bekhit.

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

YUZÜNGTHALO 4:37

Tümütüsho apinü nüsa bebuhrü muzho, jumonü apinü arü dunglim tsühsoniusobo mokhit; tüsho api wunü nüsa Ijip chingnü bekhit.

JIHUSUA 24:5

Judüki inü Mosa tüsho Aron ane yüshih, tüsho inü Ijip ching arüm hanyuk. Ju dunglim inü nüsa jipürü Ijip chingnü bekhit.

JUDNÜ ATHRÜTKHI KIHÜM HUHTANYU 1:5

Nüsanü khülangki, shepünü Ijip lomi chingnü mihtsürü khümkhitbah, ju dunglim amükinrübo dükheakshihkheanü tsüde mükheah-a lalashe, inü nüsa ki lümkhitloshihpü mulonglah.