ABEKHIT 12:5 - AMÜSÜH HÜM CL Bible (BSI)

⁵ Nüsa namfimihnunu ju kam khülang bankhi lapha mükihkhi pung labeah. Nüsanü namfimihnu yungsho mihnu bolungnü alupü kuklah.

ABEKHIT 12:5 Iomraidhean Croise

ABEKHIT 12:4

Tüsho namfimihnunu khülang thsungkheaknü yambuk ju khide nunusho, mihtsürü khekhi ayannü nihbuh yamhingrü ki rukhüh chamachihpü kuklah. Mihtsürü khülangnü atsühpü akhude namfimihnunu ju kheang.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 23:12

Tüshe hi phung müleamde ajih nimung, nünü lapha mükihkhi namfimihnunu pung kam khülang bankhi Atungpuh kilim taka kingaünang.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

WÜHKHE 7:39

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

WÜHKHE 7:57

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

YUZÜNGTHALO 17:1

“Nünü Atungpuh nü Thrünpuh ki lapha kihkhi moshipung yungsho namfimihnununü dükingaün, tümüde ju Atungpuh nü Thrünpuh kilim athraneanbe lah.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 SAMUEL 13:1

Küyimki Saul kiulongthsürü kamkhea, api kam 30 lakheah, tüsho apinü Israel kurungkheak kam yirükheak mahne kiulongthsü.