ABEKHIT 12:48 - AMÜSÜH HÜM CL Bible (BSI)

⁴⁸ Tüsho küyimki khiungkerü nüsa lung labah Atungpuh kilim phungho-thünio arüngbanü, athrürü alala tsütabahshang tüsho apinü phünide arübah shihcham lushang; tüsho api lomi ching asürükhi ruk labah. Tsütamübahkhi mihtsürü shenü she ju mütsüh.

ABEKHIT 12:48 Iomraidhean Croise

THRÜNTAN 17:11

Nüsa tsütabahbah, tüsho ju I le nü dükeak tangzüng amütsan labah.

THRÜNTAN 17:12

Nüsa lünbo ching nüsa yamkhün chingnü asürükhi yungsho nüsa tsührü yungde khiungkerü shonü thulode arükhi thsüthsü nüsa bolung athrürü aban nimung tizheah thsüsho tsütabahbeah.

ABEKHIT 12:19

Nimung thüne nüsa yambo ching phaüm müngüshih, tümütüsho shepünü phaüm yukkhi tsühbanü, khiungkerü yungsho ha lo ching asürükhi thsüthsü ju mihtsürü Israel amukhungrü bolungnü khekhita bahbah.

ABEKHIT 12:43

Tüsho Atungpuhnü Mosa le Aron ki tha, “Ha phungho-thünio yuzüng labah: Khiungkerü shenü ju mütsüh.

EZEKIEL 14:7

Küyimki Israelrü khürü yungsho Israel ching lakhi khiungkerü khürünü I kheaknü chamkhiba tüsho api mulong ching sangthsü zhipshihba tüsho mihbukmuyuk jingmükhelung amiro ki zoba, tüshe I keokhipü wukihrü ki yüba, I Atungpuhnü api ki alobah.

EZEKIEL 44:9

Atungpuh Thrünpuhnü ha thachoh: Israelrü bolung lakhi khiungkerübo mulong tüsho shih tsütamübahrü sheshe I arüngakopung ching müyüzah.

EZEKIEL 47:22

Nünü ha nüsa thsungkheak tüsho nüsa lung larü khiungkerü nüsa bolung tsührü larü thsungkheak yamrüplurüp khülang nangde chama jihbah. Arünü nü lung Israel mihkhung nangde alabah, nü lung arübo kilim Israel trük bolung yamrüplurüp jihbah.

LEVI 19:34

Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.

WÜHKHE 9:14

Tüsho nüsa lung larü khiungkerü khürünü Atungpuh phungho-thünio leangkhipü lümsho, phungho-thünio arüngako yakzanbo yande apinü aleangkhipü kuklah; khiungkerü tüsho nihbuh lo ching larü ane chido thsungkheak nünü yakzan khülang lang thsang.”

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.