ABEKHIT 12:41 - AMÜSÜH HÜM CL Bible (BSI)

⁴¹ Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 12:41 Iomraidhean Croise

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIULONG THSÜRÜ 6:1

Israelrü Ijip chingnü akhiuk dunglim kam chi phüyikheak zheahrü, Solomon kiulongthsükhi kam phüyipü, khinu mahnepü Khirhim khinu ching apinü Atungpuh yam thsüpü tankih.

2 KIUTHSÜYUKHEAN 14:12

Jumonü Atungpuhnü Asa tüsho Judarü müngüh Sudanrü kuk, tüsho arü tsoabah.

MUNGSHIKHÜN 102:13

Nü asürübah tüsho Zion kheak mihmüthsüm labah; tümüde alibe muzhopü kim akhukhi arüdo.

MUNGSHIKHÜN 114:1

Küyimki Israel ju Ijip chingnü, Jakob yamkhün khiungkerü yutha chingnü wukhiukkhea,

MUNGSHIKHÜN 136:11

tüsho arü bolungnü Israel bekhit, tümüde api amüthsüm lünnü rünkhiungde lah;

ABEKHIT 12:17

Jumonü nüsanü phaüm muyukkhi thünio mungbah, tümüde ha nimung ching inü nüsa bonungrü Ijip lomi chingnü abekhitkheah. Jumonü nüsanü ha nimung ju nüsa lünbo alala ching akheam müla yuzüng kamde mungde laang.

ABEKHIT 12:51

Tüsho ju nimung ching Atungpuhnü Israelrü arü bonungrü ayannü Ijip chingnü bekhit.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:16

Ha nü khah kheak amütsan khülang tüsho nü kingkang kheak amümihbe khülang labah, tümüde Atungpuh khah adüküngnü isa Ijip chingnü bekhit.”

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 3:10

Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 6:26

Atungpuhnü Aron tüsho Mosa ki tha: “Israel mihtsürü arü chamnak ayannü Ijip chingnü bekhitang.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 7:4

Pharaonü nü ki manide alabah; judüki inü Ijip kheak I khah jipkihbah tüsho I yo bonungrü I mihtsürü Israelrü mahkhapkhi atonü Ijip lomi chingnü abekhitbah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

LEVI 23:43

jude athsükhi hode Atungpuhnü Israel mihtsürübo Ijip chingnü abekhitchoki khimyam yancho ching binshih-a lah de nüsa tsühsoniusobonü amükheahbah: I Atungpuh nüsa Thrünpuh.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

WÜHKHE 23:22

Thrünpuhnü arü Ijip chingnü bekhitchoh; arü ju mütüm moshipung nangde sühmüh lah.

WÜHKHE 33:1

Harübo ha Mosa tüsho Aron anenü Israel mihtsürü arü bonungrü bebah Ijip ching hantsahkhibo ah.

JOHAN 7:8

Nüsa a thünio ching wutuang, I a ju thünio ching muwutu, tümüde I kim dükde mukhiungyi.”

YUNIRÜBO RHIMO 1:7

Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

YUZÜNGTHALO 4:37

Tümütüsho apinü nüsa bebuhrü muzho, jumonü apinü arü dunglim tsühsoniusobo mokhit; tüsho api wunü nüsa Ijip chingnü bekhit.

JIHUSUA 24:5

Judüki inü Mosa tüsho Aron ane yüshih, tüsho inü Ijip ching arüm hanyuk. Ju dunglim inü nüsa jipürü Ijip chingnü bekhit.

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”