ABEKHIT 12:3 - AMÜSÜH HÜM CL Bible (BSI)

³ Israel amukhungrü alala ki thaang: Ha khinu thürü nipü mihtsürü abannü nihbuh yambuk thsungkheak bebuhrü yamkhün ayannü namfimihnunu khülang lubah.

ABEKHIT 12:3 Iomraidhean Croise

THRÜNTAN 22:8

Abrahamnü alo, “I tsah-a, taka kingaünpü thsungkheak namfimihnunu Thrünpuhnü ajihbah.” Tüsho anenü rukhüh yü.

THRÜNTAN 4:4

Abelnü she api namfimihnu bolung adüji tüsho amüdang hande arü. Atungpuhnü Abel tüsho apinü kingaünkhi leangkhi,

2 KIUTHSÜYUKHEAN 35:7

Judüki Josianü phungho-thünio ching kingaünpü thsüde mihtsürü alala kilim, namfimihnunu tüsho mihnu bolungnü anunu 30,000, tüsho moshi 3000 jih; harü ha kiulongthsüpuh alakukruk chingnü alakheah.

ABEKHIT 12:2

“Ha khinu ha nüsa thsungkheaknü kam yo akhuhbe khinu labah.

ABEKHIT 12:21

Judüki Mosanü Israel azothsürübo alala jibah tha, “Nüsa yamkhünbo ayannü nüsa thsungkheak namfimihnunu mokhitang, tüsho phungho-thünio namfimihnunu laksahang.

ABEKHIT 12:4

Tüsho namfimihnunu khülang thsungkheaknü yambuk ju khide nunusho, mihtsürü khekhi ayannü nihbuh yamhingrü ki rukhüh chamachihpü kuklah. Mihtsürü khülangnü atsühpü akhude namfimihnunu ju kheang.

ABEKHIT 12:6

Nüsanü haju khinu thürükheak phüyi ni khiungde zoang. Jushu Israel amukhungrü alalanü shuhyini lachoki ju laksahbah.

ABEKHIT 14:15

Tüsho Atungpuhnü Mosa ki tha, “Tümüde nüsanü I ki zhicho? Israelrü ki mikhuh yüpü thaang.

ABEKHIT 20:19

Judüki arünü Mosa ki tha, “Nünü isa ki asukang tüsho isanü anibah; tüshe Thrünpuhnü isa ki dasukshih, jude yungsho isa ashebah.”

ABEKHIT 4:30

Atungpuhnü Mosa ki thakhi yu alala Aronnü azothsürübo ki tha. Kheaküshe Mosanü mihtsürübo ki amütsanbo rhimoa huh.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

EZEKIEL 40:1

Isa ramtsokhi kam mukukheak phüngüpü ching, kam atankih, nimung thürü nipü, kiuto thsümünimbah kam thürükheak phüyipü dunglim ju nimung tsütsü, Atungpuh khah I kheak lakheah, tüsho apinü I ju ching bedarü.

LEVI 1:2

Israel mihtsürübo ki thaang: Küyimki nüsa khürünü Atungpuh kilim akam-shiwüh chingnü kingaün jihbanü, nüsanü kingaün ju moshi yungsho mihnu bolungnü jihang.

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

WÜHKHE 15:11

Hanangde moshipung nunu, mihnupung, yungsho namfimihnunu yungsho mihnu nunu abande arhimobeah.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 1:36

Tüsho api tsahde alachoki Jisu kheak kheahde tha, “Thrünpuh namfimihnunu kheahang!”

JOHAN 12:1

Judüki phungho-thünio müngüh nimung thuruk lachoki, shebah apinü arhang kamloshihbuh Lazar lapung Bethani ching Jisunü arü.

JOHAN 12:12

Ashidopü thünio ching arükhi yimto atonü küyimki Jisu ju Jirusalem lim arüde asokhea,

1 KORINT 5:7

Nüsa yikhap aso kampü thsüde phaüm awün yihkhita bahang, tümütüsho atsütsü inü mükheahkhi nangde nüsa phaüm muyukkhi yikhap nangde alabah. Tümüde isa phungho-thünio namfimihnunu Khrista laksah-a kingaündo.

JIHUSUA 7:14

Jumonü nüsa trükbo ayannü yapsu arübah. Atungpuhnü athrükhitkhi trük ju guk ayannü arübah; kheaküshe Atungpuhnü athrükhitkhi guk ju yamkhün ayannü arübah, tüsho Atungpuhnü athrükhitkhi yamkhün ju mihtsürü khülang khülang arübah.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

1 SAMUEL 7:9

Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.