ABEKHIT 12:29 - AMÜSÜH HÜM CL Bible (BSI)

²⁹ Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 12:29 Iomraidhean Croise

THRÜNTAN 15:14

Tüsho arünü atankihpü lakhi trükshih she inü mahkhapbah; ju dunglim arübo lakhit ato lubah akhiukbah.

JOB HU H T ANYU 34:20

Kim khülang ching arü shechoh; tsüngphulung ching mihtsürübo niukchoh tüsho dükheakchoh, mihtsürü khah mübede sühmüh larübo lude tsochoh.

MUNGSHIKHÜN 105:36

Apinü Ijip yamkhün alala ching tsührü adüjirü alala laksah.

MUNGSHIKHÜN 135:8

Apinü Ijip adüjirü, mihtsürü tüsho shiwüh chido thsümünim.

MUNGSHIKHÜN 136:10

Ijip ching adüjirü shikbuh kilim, tümüde api amüthsüm lünnü rünkhiungde lah;

MUNGSHIKHÜN 78:50

Apinü abukakhiukpü limro thsakham; apinü arü shepü chingnü maningshih tüshe arüm kilim arübo jih,

MUNGSHIKHÜN 78:51

tüsho Ijip ching zübekhi adüjirü alala, Ham khimyam ching arü münü akhuhbe dükheakshih.

ABEKHIT 11:1

Tüsho Atungpuhnü Mosa ki tha, “Kheaküshe inü Pharao tüsho Ijip kheak arüm khülang hande arübah. Jushu apinü nüsa ha chingnü atsoshihbah. Küyimki apinü nüsa tsoshihbanü, tsükjide apinü nüsa athrünkhi yankhitbah.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ABEKHIT 12:28

Judüki Atungpuhnü Mosa tüsho Aron ki thiyukhüm jihkhi nangde Israelrünü yü tüsho jude rhimo.

ABEKHIT 13:15

Küyimki Pharaonü isa tsoshihpü nihnihkheanü, Atungpuhnü Ijip lomi ching akhuh zübekhi mihtsürü tüsho shiwüh laksah. Jumonü shiwüh akhuh anukhi pungbo Atungpuh kilim jihchoh, tüshe akhuh zübekhi I tsührübo a inü rhokhitchoh.’

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ABEKHIT 9:6

Junangde ashidopü Atungpuhnü ha rhimo, tüsho Ijip akam-shiwüh alala sheabah; tüshe Israelrü akam-shiwüh khülang she müshe.

ISAIA 24:22

Arübo shingkung ching aramrü nangde rukhüh bemukhungbah; arübo rihyam ching rihdobah, tüsho nimung ahihdo dunglim thsümüchibah.

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 51:14

Junoa larü nahde adükhebah; arü müshe tüsho alokhün ching müyüzah, yungsho arü yikhap mümükheak.

JEREMIA 38:13

Jushu arünü Jeremia shungliunü kekung chingnü thokhit. Tüsho Jeremia ju aheangrü mahkhappung ching lakheah.

JEREMIA 38:6

Jumonü arünü Jeremia bea lu tüsho kiulongthsüpuh tsührü Malkia kekung, aheangrü mahkhappung lakhi ching Jeremia ju shungliunü chingbah yüzahshih. Kheakü kekung ching ke mülade akhimniuhniuh lang alakheah, tüsho akhimniuhniuh ching Jeremia yüzah.

HABAKKUK 3:5

Api müngüh ashebe-tukthsü yü, tüsho adunglim arümnü yande yü.

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.

WÜHKHE 3:13

tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah.

WÜHKHE 33:4

Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.

WÜHKHE 8:17

Tümüde Israelrü mihtsürü bolung akhuh zübekhibo ju mihtsürü yungsho shiwüh thsüthsü I yo ah; inü Ijip lo ching akhuh zübekhi laksah nimung inü arübo I thsungkheaknü müsühkhit,

IBRI 11:28

Akin hode apinü phungho-thünio tüsho thiyih rhakkihpü rhimo, junangde adüjirü thsümünimrünü Israelrü tsührü adüjirü müqiupü lakheah.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,