ABEKHIT 12:28 - AMÜSÜH HÜM CL Bible (BSI)

²⁸ Judüki Atungpuhnü Mosa tüsho Aron ki thiyukhüm jihkhi nangde Israelrünü yü tüsho jude rhimo.

ABEKHIT 12:28 Iomraidhean Croise

2 SAMUEL 5:25

Atungpuhnü thiyukhüm jihkhi nangde Davidnü rhimo; tüsho apinü Filistiarü Geba chingnü Gezer khiungde yande müsham.

1 KIULONG THSÜRÜ 17:5

Jumonü A TUN GPU H yu yande apinü yü tüsho rhimo; apinü yü tüsho Jordan aniakhiuklim peang Kerith Ayung ching la.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 12:35

Kheakü Israelrünü Mosa yu yande rhimo, tüsho arünü Ijiprü ki shotoyinchi le suna kukrukbo tüsho khimmihbo kheang.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 36:1

“Bezalel le Aholiab, tüsho Atungpuhnü arüngako alala rhimopü lümlung tüsho mükheahmudu jihrü abannü Atungpuhnü thiyukhüm jihkhi alala yande arhimobah.”

ABEKHIT 39:32

Junangde ashorupung arüngkhimyam rhimo alala akhik thsü. Tüsho Atungpuhnü Mosa ki thiyukhüm jihkhi alala yande Israelrünü rhimo.

ABEKHIT 39:42

Atungpuhnü Mosa ki thiyukhüm jihkhi nangde Israelrünü rhimo alala ban.

ABEKHIT 39:43

Atungpuhnü thiyukhüm jihkhi nangde arü rhimobo Mosanü kheahkham, jumonü Mosanü arü müngühjih.

ABEKHIT 7:10

Junangde Mosa le Aronnü Atungpuhnü thiyukhüm jihkhi nangde Pharao ki yü tüsho rhimo; Aronnü api tso Pharao tüsho ayamlarübo miki ayoshih tüsho ju phuruto khülang kam.

ABEKHIT 7:6

Tüsho Mosa le Aron bünenü Atungpuhnü thiyukhüm jihkhi nangde rhimo.

LEVI 24:23

Mosanü Israel mihtsürübo ki tha; tüsho arünü athruajibuh ju binkheampung aleanglim bekhit, tüsho api rusahabah, Atungpuhnü Mosa ki thiyukhüm jihkhi nangde Israel mihtsürünü rhimo.

WÜHKHE 1:54

Jumonü Atungpuhnü Mosa ki thiyukhüm jihkhi nangde Israelrünü alala rhimo.

WÜHKHE 31:31

Jumonü Mosa tüsho amükeambuh Eleazar anenü Atungpuhnü Mosa ki thiyukhüm jihkhi yande rhimo.

WÜHKHE 31:41

Atungpuhnü thiyukhüm jihkhi nangde Mosanü ruk ju Atungpuh shihcham thsüde amükeambuh Eleazar kilim jih.

WÜHKHE 31:47

Tüsho Israel mihtsürü shihcham mihtsürü le shiwühbo thünim chingnü khülang yihkhita Atungpuhnü thiyukhüm jihkhi nangde Mosanü Atungpuh arüngyam neakrü Levirü kilim jih.

WÜHKHE 5:4

Israelrü tsührübonü Atungpuhnü Mosa ki thakhi anide arübo binkheampung aleanglim yankhitabah.

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

IBRI 11:28

Akin hode apinü phungho-thünio tüsho thiyih rhakkihpü rhimo, junangde adüjirü thsümünimrünü Israelrü tsührü adüjirü müqiupü lakheah.

JIHUSUA 14:5

Atungpuhnü Mosa ki thiyukhüm jihkhi nangde Israelrünü alo ju chamnaka lu.

JIHUSUA 2:21

Alibenü ju mulongkhit tüsho ane tsoshih. Küyimki ane tsoabahkhea, alibenü liu amürüm ayinripit kheak chinga zo.

JIHUSUA 4:8

Jihusuanü thiyukhüm jihkhi nangde Israelrünü rhimo. Atungpuhnü Jihusua ki thakhi nangde, arünü Israel trük abande lung 12 Jordan phulung chingnü lubahle arü binkheampung handarü khim.