ABEKHIT 12:27 - AMÜSÜH HÜM CL Bible (BSI)

²⁷ Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 12:27 Iomraidhean Croise

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:18

Judüki Jehoshaphatnü amiro alo lim kheahde mükhüm, tüsho Judarü tüsho Jirusalem ching larü alala Atungpuh miki kingaünde mükhüm.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

MUNGSHIKHÜN 44:1

Isa nükhünnü sodo, O Thrünpuh; adüsonü arü nimungbo ching nünü tümü rhimokheanü isa jipürünü isa ki thado.

MUNGSHIKHÜN 78:5

Apinü Jakob thsungkheak thiyuzüngbo thsü tüsho Israel ching yakzan zo, küpü apinü isa jipürü ki thiyukhüm jih, junangde arü tsührübo ki thsangyupü lakheah;

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 12:11

Hanangde nüsanü atsühbah: nüsa chim kheak pangrümpü kihbah, nüsa jingkhümpü khümbah, tüsho nüsa khah ching tso shuhbah. Nüsanü ju niokheamde tsühang. Ha Atungpuh phunghothünio ah.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ABEKHIT 12:28

Judüki Atungpuhnü Mosa tüsho Aron ki thiyukhüm jihkhi nangde Israelrünü yü tüsho jude rhimo.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:8

Tüsho ju nimung nünü nü tsührü ki thabah, ‘I Ijip chingnü akhiukchoki Atungpuhnü I thsungkheak rhimokhi dünkheak ha rhimochoh.’

ABEKHIT 34:25

“I kilim shiwüh laksah-a kingaünkhi thiyih ju phaüm yukkhi yikhap bede düjih, tüsho phunghothünio laksah-a kingaünkhi tümü she yapsu khiungde daningshih.

ABEKHIT 34:8

Mosanü khülang ki alo kheak khukning tüsho kingaün.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

1 KORINT 5:7

Nüsa yikhap aso kampü thsüde phaüm awün yihkhita bahang, tümütüsho atsütsü inü mükheahkhi nangde nüsa phaüm muyukkhi yikhap nangde alabah. Tümüde isa phungho-thünio namfimihnunu Khrista laksah-a kingaündo.

YUZÜNGTHALO 16:2

Jumonü nüsanü mihnu tüsho moshi bolungnü yihkhitbah api mung zopü Atungpuhnü mokhitkhi dangpung chingnü Atungpuh nüsa Thrünpuh kilim phungho-thünio shuhmülanga kingaünang.

YUZÜNGTHALO 16:5

“Nüsanü phungho-thünio ju Atungpuh nüsa Thrünpuhnü ajihkhi chipimurung khüpnü dükingaün;