ABEKHIT 12:16 - AMÜSÜH HÜM CL Bible (BSI)

¹⁶ Akhuhbe nimung tüsho thüne nimungpü nüsa thsungkheak amüsüh amukhung labah. Ju nimungbo ching rhimo tümü düthsü; tüshe mihbüm abannü nihbuh küdah thsüde mozümodokhi lang atsühbah.

ABEKHIT 12:16 Iomraidhean Croise

ABEKHIT 16:23

Apinü arü ki tha, “Atungpuhnü ha thiyukhüm jih: ‘Shido a sühakhim nimung, Atungpuh kilim amüsüh amuni labah. Jumonü nüsanü tümü khapa taknelanü khapa takang tüsho tümü ngüpnelanü ngüpang. Aningkhi ju yapsu khiungde tsüde zoang.’ ”

ABEKHIT 16:29

Kheahang! Atungpuhnü nüsa kilim amuni jihdo; jumonü apinü nüsa kilim athuruk nipü nimung mahne thsungkheak yikhap jihchoh; mihtsürü sheshe nihbuh lapung chingnü athüne nipü duwukhiukshih.”

ABEKHIT 16:5

Athuruk nipü arünü lude azahkhi mozümodobah, tüsho ju püpü nimungbo ching hanmukhungkhi kheaknü mahne kinü atobe labah.”

ABEKHIT 20:10

tüshe athüne nipü ju Atungpuh nü Thrünpuh amunimung ah. Ju nimung nünü rhimo tümü düthsü; nü, nü tsührübo, nü tsührübebo, nü yamlarübo, nü yamlaberübo, nü shiwühbo yungsho nü chipi bukkhüp nü hanrübo.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

ISAIA 1:13

Kingaünbo handarükhi yihnüpü müla; arhümthüneakhi inü thraneanlah. Khinu aso tüsho amuni tüsho mukhungmüdan– amülim kihde arüngako mukhungmüdankhi inü marümkhuk.

LEVI 23:21

Tüsho ju ninü nüsanü zhiyukjang; nüsanü amüsüh amukhung khülang labah; nüsanü rhimo achak tümü she mürhimo: ha nüsa lapung abande kamruhroro nüsa lün amuyung yakzan labah.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

LEVI 23:35

Akhuhbe nimung ching amüsüh amukhung labah; nüsanü rhimo achak tümü she mürhimobeah.

WÜHKHE 28:18

Atan nimung ju nüsanü amüsüh amukhung labah, tüsho nüsanü rhimo achak tümü mürhimo.

WÜHKHE 28:25

Tüsho nimung thüne nipü nüsanü amüsüh mukhung laang, tüsho rhimo achak tümü dürhimo.

WÜHKHE 28:26

Tüsho amunibo thünio kim ching sangsolungsobo akhuh yimlu nimung, küyimki nüsanü hiso kingaün Atungpuh kilim jihbanü, nüsanü amüsüh amukhung laang, tüsho rhimo achak tümü she dürhimo.

WÜHKHE 29:1

Khinu thünepü atan ni, nüsanü amüsüh amukhung laang, tüsho rhimo achak tümü she dürhimo. Nüsa thsungkheaknü ha nimung hulipungpung mütkhi nimung ah.

WÜHKHE 29:12

Khinu thüne nimung thürükheak phüngü nipü nüsanü amüsüh amukhung laang, nüsanü rhimo achak tümü mürhimo tüsho nüsanü Atungpuh kilim nimung thüne thünio mungang.

JOHAN 19:31

Jumonü ju athsakhamkhi nimung thsükhinü, pangbo ju Amuni sangkim kheak mükihpü lakhi hode (tümüde Amuni ju adungto nimung lakheah), arü jingbo yihshakbah lude atsopü thsüde Jihudarünü Pilat ki keokhi.

YUZÜNGTHALO 16:8

Nimung thuruk nüsanü phaüm muyukkhi yikhap tsühbah tüsho athüne nipü nüsanü Atungpuh nüsa Thrünpuh kilim amüsüh amukhung labah. Nüsanü ju ni tümü dürhimo.