ABEKHIT 12:15 - AMÜSÜH HÜM CL Bible (BSI)

¹⁵ “Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:15 Iomraidhean Croise

THRÜNTAN 17:14

Tüsho athrürü shepü tsütamübahbanü ju mihtsürü anihbuh mihtsürü lungnü khekhita bahbah; apinü I tangzüng thsümünimdo.”

2 KIUTHSÜYUKHEAN 30:21

Jirusalem ching lakhi Israel mihtsürübo tode asühachihde phaüm muyukkhi yikhap thünio nimung thüne mung; tüsho Levirü le amükeamrübonü Atungpuh yo kingzükingdobe bebah nimung abande Atungpuh mung shi.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

ABEKHIT 12:8

Ju re arünü ashihtsü tsühbah; mo chingnü angukhi, phaüm muyukkhi tüsho akhüh sangyü bede arünü ju tsühbah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

ABEKHIT 30:38

Khürünü thüneabe thsüpü ha ruk thsüsho api ju nihbuh mihtsürü bolungnü khekhita bahbah.”

ABEKHIT 31:14

Amuni mungang, tümütüsho ha nüsa thsungkheak amüsüh lah; ha thsümünimrü aban asheshihbah; shepünü ha nimung rhimo rhimobanü api ju nihbuh mihtsürü lungnü khekhita bahbah.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

ABEKHIT 34:25

“I kilim shiwüh laksah-a kingaünkhi thiyih ju phaüm yukkhi yikhap bede düjih, tüsho phunghothünio laksah-a kingaünkhi tümü she yapsu khiungde daningshih.

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 17:14

Tümüde rhangdung lakhi shiwüh alala thiyih ching lah, jumonü inü Israel mihtsürü ki tha: Nüsanü tümü shih thiyih she dütsüh, tümüde rhangdung lakhi shih alala thiyih ah. Shepünü atsühbanü khekhita bahbah.

MALAKI 2:12

Khürünü ha Jakob khimyambo ching rhimosho, yungsho Wuto Atungpuh kilim kingaün hande arürü she Atungpuhnü dükheakshang.

WÜHKHE 28:17

Tüsho ha khinu nimung thürükheak phüngü ni ju thünio tankihbah; nimung thüne phaüm muyukkhi yikhap tsühbah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

MATHI 16:12

Judüki yikhap ching yukbe phaüm atünadopü yungde Pharisirü tüsho Sadukirünü thsangyukhi azhihde apinü arü ki thachoh de arünü anikhit.

LUKNÜ ATHRÜTKHI THIYUSHEAK-ATSÜ HUHTANYU 12:1

Ju kim ching, küyimki mükhebinkhi boto mihtsürü khülangnü khülang jungachihde amukhungkhea, apinü akhuhde api jingyanrübo ki thapü tankih, “Yiuhkhaprü Pharisirü phaüm dünkheak kümkangang.

LUKNÜ ATHRÜTKHI THIYUSHEAK-ATSÜ HUHTANYU 2:43

küyimki thünio akheam thsükhea, arü alode arüchoki, azübuh Jisu a Jirusalem ching tukloa la. Api bebuhrünü ju mümükheah,

YUNIRÜBO RHIMO 12:3

tüsho junü Jihudarü asühshihkhi apinü ngübah Peter she arampü tankih. Ha phaüm muyukkhi thünio kim ching lakheah.

GALATIA 5:12

Nüsa kipathsük jihrü ju inü a khapthumunga bahshihnelah.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 16:5

“Nüsanü phungho-thünio ju Atungpuh nüsa Thrünpuhnü ajihkhi chipimurung khüpnü dükingaün;

YUZÜNGTHALO 16:8

Nimung thuruk nüsanü phaüm muyukkhi yikhap tsühbah tüsho athüne nipü nüsanü Atungpuh nüsa Thrünpuh kilim amüsüh amukhung labah. Nüsanü ju ni tümü dürhimo.