ABEKHIT 12:14 - AMÜSÜH HÜM CL Bible (BSI)

¹⁴ Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 12:14 Iomraidhean Croise

2 KIULONG THSÜRÜ 23:21

Kiulongthsüpuhnü mihtsürü alala ki thiyukhüm jih, “Ha tangzüng hüm ching thaa lakhi nangde Atungpuh nü Thrünpuh kilim phungho-thünio mungang.”

MUNGSHIKHÜN 111:4

Apinü api amüyinsahbe rhimobo lümkhitpü thsü; Atungpuh ju mihmüthsüm tüsho muzhomüyinü milah.

MUNGSHIKHÜN 135:13

O Atungpuh , nü mung lünnü rünkhiungde lah, O Atungpuh , nü mungshi lünbo alala ching lah.

ABEKHIT 12:17

Jumonü nüsanü phaüm muyukkhi thünio mungbah, tümüde ha nimung ching inü nüsa bonungrü Ijip lomi chingnü abekhitkheah. Jumonü nüsanü ha nimung ju nüsa lünbo alala ching akheam müla yuzüng kamde mungde laang.

ABEKHIT 12:24

Tüsho nüsanü ha nüsa le nüsa tsührübo thsungkheak lünnü thiyuzüng kamde aleangkhibah.

ABEKHIT 12:43

Tüsho Atungpuhnü Mosa le Aron ki tha, “Ha phungho-thünio yuzüng labah: Khiungkerü shenü ju mütsüh.

ABEKHIT 12:6

Nüsanü haju khinu thürükheak phüyi ni khiungde zoang. Jushu Israel amukhungrü alalanü shuhyini lachoki ju laksahbah.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 5:1

Ju dunglim Mosa tüsho Aron Ijip kiulongthsüpuh kilim yübah tha, “Israel Thrünpuh, Atungpuhnü hade thachoh, ‘I mihtsürübo yüshang, junangde arünü sunglo ching I thsungkheaknü thünio thsübah.’”

EZEKIEL 46:14

Tüsho apinü yapsu aban mutukzhakde hi kingaün, epha 1 shihcham 6 ching 1, tüsho amokhitkhi ayikangkang neampü müdangke pungdüchi 1 shihcham 3 ching 1 Atungpuh kilim jihbah; ha kim alala thsungkheak thiyuzüng lah.

LEVI 23:6

Tüsho ju khinu nimung thürükheak phüngü nipü ju phaüm muyukkhi Atungpuh thünio labah; nüsanü nimung thüne phaüm muyukkhi yikhap tsühbah.

ZEKARIA 6:14

Tüsho kuthran ju Atungpuh arüngyam ching mümihpü khülang nangde Heldai, Tobija, Jedaia, tüsho Zephania tsührü Josia arünü akümbah.

WÜHKHE 10:8

Tüsho Aron tsührü amükeamrübonü hulipungpungbo ju amütbah, harübo nüsa lünbo amuyung ching thiyuzüng khülang labah.

WÜHKHE 15:15

Nüsa le nüsa lung larü khiungkerübo thsungkheaknü lün thsungkheak yakzan khülang labah; nüsa künangde la, junangde khiungkerü she Atungpuh miki rukhüh labah.

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 18:8

Tüsho Atungpuhnü Aron ki tha, Ha ching, Israel mihtsürübonü amüsüh arung kingaün jihkhibo inü nü kilim jihdo; inü harübo nü tüsho nü tsührübo shihcham thsüde lünnü rhimode ayüshihpü yakzan jihdo.

MATHI 26:13

Atsütsü inü nüsa ki thachoh, alomiküp kürü ching ha thiyusheak-atsü thsangyuthsangrabanü, ha liberünü tümü rhimokheanü anihbe mümihpü thsüde athabah.”

LUKNÜ ATHRÜTKHI THIYUSHEAK-ATSÜ HUHTANYU 22:19

Tüsho apinü yikhap lubah makshe jih tüsho ju yihnakbah arü kilim jihde tha, “Ha nüsa dünkheak jihkhi I pang ah; ha I lümkhitde rhimoang.”

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 6:8

Jurübo mütsan thsüde nüsa khahbo tüsho nüsa kingkangbo kheak rümkihang.

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”

1 SAMUEL 30:25

Ju nimungnü apinü Israel thsungkheak yakzan tüsho thiyuzüng thsü; ha khihni khiungde lah.