ABEKHIT 12:11 - AMÜSÜH HÜM CL Bible (BSI)

¹¹ Hanangde nüsanü atsühbah: nüsa chim kheak pangrümpü kihbah, nüsa jingkhümpü khümbah, tüsho nüsa khah ching tso shuhbah. Nüsanü ju niokheamde tsühang. Ha Atungpuh phunghothünio ah.

ABEKHIT 12:11 Iomraidhean Croise

2 KIULONG THSÜRÜ 23:21

Kiulongthsüpuhnü mihtsürü alala ki thiyukhüm jih, “Ha tangzüng hüm ching thaa lakhi nangde Atungpuh nü Thrünpuh kilim phungho-thünio mungang.”

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 12:21

Judüki Mosanü Israel azothsürübo alala jibah tha, “Nüsa yamkhünbo ayannü nüsa thsungkheak namfimihnunu mokhitang, tüsho phungho-thünio namfimihnunu laksahang.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 12:43

Tüsho Atungpuhnü Mosa le Aron ki tha, “Ha phungho-thünio yuzüng labah: Khiungkerü shenü ju mütsüh.

ISAIA 52:12

Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

EZEKIEL 45:21

Akhuhbe khinu ching, thürükheak phüyi ni, nüsanü phunghothünio arüngbah, tüsho nimung thüne phaüm muyukkhi yikhap tsühbah.

LEVI 23:5

Akhuhbe khinu, nimung thürükheak phüyi nipü ani yüzahchoki ju Atungpuh phungho-thünio ah.

WÜHKHE 28:16

Akhuhbe khinu nimung thürükheak phüyi nipü ju Atungpuh phungho-thünio ah.

WÜHKHE 9:1

Atungpuhnü Mosa ki Sinai sunglo ching arü Ijip ching akhiukshu mahnepü kam akhuhbe khinu ching tha,

LUKNÜ ATHRÜTKHI THIYUSHEAK-ATSÜ HUHTANYU 12:35

“Nüsa chim rümang tüsho nüsa tsünpungbo trushang;

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

LUKNÜ ATHRÜTKHI THIYUSHEAK-ATSÜ HUHTANYU 2:41

Kheakü api bebuhrünü phungho-thünio ching kam aban Jirusalem ching yüde alakheah.

LUKNÜ ATHRÜTKHI THIYUSHEAK-ATSÜ HUHTANYU 7:38

tüsho alibenü api dunglim ajing ki tripde zhipbah achikenü ajing pangjihpü tankih. Jushu alibenü akuyünü nanjihbah ajing kheak müthsüp tüsho rhümthüneabe bukkihjih.

1 KORINT 5:7

Nüsa yikhap aso kampü thsüde phaüm awün yihkhita bahang, tümütüsho atsütsü inü mükheahkhi nangde nüsa phaüm muyukkhi yikhap nangde alabah. Tümüde isa phungho-thünio namfimihnunu Khrista laksah-a kingaündo.

EFISIA 6:15

tüsho mungtsü thiyusheak-atsü kukruknü nü jing khümang;

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

JIHUSUA 5:10

Küyimki Israelrü Jirikho dükhün thüninde Gilgal ching binkheamkhea, arünü ju khinu thürükheak phüyi nipü arelim phunghothünio mung.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.