ABEKHIT 11:6 - AMÜSÜH HÜM CL Bible (BSI)

⁶ Judüki Ijip lomi alala ching tripachih ato labah, ha nangde müngühlim müla yungsho küyimkishe mülalo.

ABEKHIT 11:6 Iomraidhean Croise

ABEKHIT 11:7

Tüshe Israel mihtsürü yungsho shiwüh azhihde khihnunü she müchi, junangde Ijiprü tüsho Israel dükeak Atungpuhnü büthsülah de nüsanü amükheahbah.

ABEKHIT 12:30

Jumonü Pharao, api yamlarübo tüsho Ijiprü alala azhing ching asürü; tüsho Ijip ching tripachihkhi ato lakheah, tümüde mihmüshekhi yam khülang she mülade alakheah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 9:18

Kheahang, shido ha kim ching, atankihnü kheakü khiungde Ijip ching müdünjiakheahkhi arulung akishihbah.

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

ISAIA 15:8

Tümüde azhikhi khülang Moab lomi mükamde yüdo; atüzhokhi düsheak Eglaim khiunglah, atüzhokhi düsheak Beer-elim khiunglah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

JEREMIA 31:15

Atungpuhnü ha thachoh: Rama ching düsheak khülang, atüzhokhi tüsho düsüknimde atripkhi sochoh. Rachelnü anihbe tsührü thsungkheak tripchoh; alibenü anihbe tsührübo thsungkheak shukheamkhi thsunglochoh, tümütüsho kheaküa arü müla.

TÜZHOKHI 3:8

Inü arung thsungkheak jiji she tüsho zhizhi she, apinü I tamkhüntamnü musojih;

AMOS 5:17

kurungasolu alala ching mitripkhi labah, tümüde I nüsa bolung tsahhobah, Atungpuhnü thachoh.

ZEPHANIA 1:10

Atungpuhnü thachoh, ju nimung Thüngüh Ripit chingnü azhikhi khülang, kiuto dangpung aso chingnü mitripkhi tüsho awungbo chingnü akeamkhi düsheak ato sobah.

LUKNÜ ATHRÜTKHI THIYUSHEAK-ATSÜ HUHTANYU 13:28

Nüsanü Abraham, Isak tüsho Jakob tüsho wukihrübo alala Thrünpuh kiulongthsü ching ngübah nüsa jipkhita bahchoki, ju ching atripkhi tüsho hü mütrütkhi labah.