ABEKHIT 11:2 - AMÜSÜH HÜM CL Bible (BSI)

² Kheakü mihtsürübonü sode asukang, tüsho shotoyinchi le suna kukrukbo thsungkheak athrürü tüsho aliberü abannü nihbuh yamhingrü ki keokhishang.”

ABEKHIT 11:2 Iomraidhean Croise

THRÜNTAN 24:53

Judüki yamlabuhnü suna le shotoyinchi mürezhingzhing tüsho khimmihbo lude akhiukbah Rebeka kilim jih; apinü akhiung le abe büne kilim she amo-achak thsambahbo jih.

THRÜNTAN 31:9

Junangde Thrünpuhnü nüke abuh shiwüh alala lude tso tüsho jurübo I kilim jih.

MUNGSHIKHÜN 105:37

Apinü arübo shotoyinchi tüsho suna bede bebah akhiuk, tüsho api trükbo lung sheshe sühmüh mülarü mülakheah.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

ABEKHIT 3:21

Inü Ijiprübo ki nüsa muzhoshihbah tüsho küyimki nüsa yübanü khahkeang mutso.

ABEKHIT 3:22

Aliberü abannü nihbe yamhingrü Ijipberübo ki tüsho Ijipberü khürü anihbe yam ching larü lasho arübo ki khimmih, suna, shotoyinchi tüsho shotolungbo kheanga lubah tüsho Israelrübonü jurübo arü tsührü athrürü le aliberü kheak phungyukjihbah; junangde nüsanü Ijiprü lakhit hanbah ayübah.”

ABEKHIT 32:24

Tüsho inü arü ki tha, ‘Sherü suna lanü arünü yihkhitshang.’ Jumonü arünü I kilim jih, tüsho inü ju mo ching jipyuk tüsho ha moshipungnunu akhiuk.”

ABEKHIT 35:22

Mulongde alarü athrürü tüsho aliberü ahihdonü nüpübo, nupung-nüpübo khahrihbo, lakbo, suna kukrukbo alala, jurü ju mihtsürübonü suna kingaün ATUNGPUH kilim jihkhi lubah arü.

MÜCHITMUDU 13:22

Mihtsürü atsünü api tsührü tsührübo kilim yamrüplurüp zojihchoh, tüshe aneakrü lakhit ju thiyuro-lungkirü thsungkheak hanmukhunga lah.

HAGGAI 2:8

Shotoyinchi I yo, tüsho suna I yo, Wuto Atungpuhnü thachoh.

MATHI 20:15

Inü I kukruk kheak I lümkhi rhimopü I alim yung de? Yungsho I salamo nüsanü lungkhangla de?’