ABEKHIT 10:21 - AMÜSÜH HÜM CL Bible (BSI)

²¹ Judüki Atungpuhnü Mosa ki tha, “Nü khah thüning lim chungkihang, junangde Ijip lomi zhingdopü thsüde amiting akheah arübah.”

ABEKHIT 10:21 Iomraidhean Croise

JOB HU H T ANYU 5:14

Arünü animuro kim ching amiting shoruchoh, tüsho animuro ching azhing ching nangde ajamchoh.

MUNGSHIKHÜN 105:28

Apinü amiting yüshih, tüsho ju mitingde kam; tüsho arünü api yu mazhih.

MUNGSHIKHÜN 35:6

Atungpuh yunirünü arü müshamde, arü limro mitingshang tüsho shahshahshang.

MUNGSHIKHÜN 78:49

Apinü arü bolung athsümünim yunirü arüshihbah arü kheak api mulong zhipzhip, bukakhiuk, tüsho küpkhuk yükihshih.

ABEKHIT 7:19

Judüki Atungpuhnü Mosa ki tha, “Aron ki thaang, Nü tso luang tüsho Ijip ching ayungbo, kerubo, kedükim tüsho kekhip kumung nü khah chungkihang, junangde jurü thiyih kambah; tüsho Ijip lomi alala ching, sang le lung pangjiphüh chido ching thiyih labah.”

ABEKHIT 9:22

Judüki Atungpuhnü Mosa ki tha, “Nü khah thüning lim chungkihang, junangde Ijip lomi alala ching mihtsürü, shiwüh, tüsho thulu ching sangrung alala kheak arulung akibah.”

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

T H S AN GYU T H S AN GR ARÜ 2:14

Lümlung larü a arü ku ching mük kihlah, tüshe makharübo a amiting ching tsahchoh. Tütüshe arü alala kuhi-shihcham rukhüh lang ah de inü mükheahdo.

T H S AN GYU T H S AN GR ARÜ 6:4

Tümüde ju akeangkeang ching arüchoh tüsho amiting ching yüchoh, tüsho amiting ching ju mung muhiudoa lah;

EZEKIEL 32:7

Küyimki inü nü thsümünimba, inü thüningbo lüpdobah, tüsho chiningbo mitingshihbah; inü amonü ani khüpdobah, tüsho khinunü nihbuh ayin müjih.

MATHI 27:45

Kheakü animuro kim chingnü 3 king khiungde alomi alala ching amiting lakheah.

MARK 15:33

Küyimki animuro kamkhea, alomi alala ching amiting ju 3 king khiungde la.

LUKNÜ ATHRÜTKHI THIYUSHEAK-ATSÜ HUHTANYU 23:44

Kheakü 12 king ngüm lakheah, tüsho 3 king khiungde alomi alala ching amiting lakheah.

YUZÜNGTHALO 1:30

Nüsa müngüh yübuh Atungpuh nüsa Thrünpuhnü Ijip ching nüsa mük ki rhimokhi nangde, nüsa thsungkheak keochihjihbah,

YUZÜNGTHALO 28:29

Müktukrü mihtsürünü amiting ching ajamkhi nangde nüsanü animuro ajambah; nüsanü arhimokhi ching nüsa alü müthsü; nüsa mutuklode ajunobah tüsho mülapyukbah, tüsho shenü nüsa mükhümkhit.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

2 PETER 2:17

Harü mihtsürübo ju ke müzahkhi kekhip tüsho chinthrümnü yünde ayükhi amo ah. Arü thsungkheaknü amiting amürak zojihlah.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 8:12

Aphüyipü yunirünü api hulipungpung müt, tüsho ani shihcham mahsam ching khülang, khinu shihcham mahsam ching khülang, tüsho chiningbo shihcham mahsam ching khülang kheak lak, junangde arü ayin shihcham mahsam ching khülang mitingde kam; nimung shihcham mahsam ching khülang, tüsho azhing she shihcham mahsam ching khülang jude alakheah.