ABEKHIT 1:17 - AMÜSÜH HÜM CL Bible (BSI)

¹⁷ Tüshe anenü Thrünpuh trekhinü kiulongthsüpuhnü athakhi ju manide khungarü athrürü zübekhibo ju rhangdung lashih.

ABEKHIT 1:17 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

2 SAMUEL 24:4

Tüshe kiulongthsüpuh yunü Joab tüsho bonungrü limthorübo thadoabah. Jumonü Joab tüsho bonungrü limthorübonü Israel mihtsürü wühkhe lupü thsüde kiulongthsüpuh mikinü wukhiuk.

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

ESTER 3:3

kiulongthsüpuh bukkhüp rhimorü püpürünü tümü thsükhi kiulongthsüpuh yukhüm manile de Mordekai ki keokhi;

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

ABEKHIT 1:18

Jumonü kiulongthsüpuhnü zübe-mütrürübo ju jibah tha, “Tümüde nükenü tsührü athrürübo rhangdung lashihcho?”

ABEKHIT 1:21

Zübe-mütrürübonü Thrünpuh trekhinü, apinü arü kilim nihbe yamkhünrübo jih.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

DANIEL 6:13

Judüki arünü kiulongthsüpuh ki alo, “Juda chingnü ramtsorü bolung khülang, Danielnü nü ki yungsho nünü mütsan-dokhi yukhüm mani, O kiulongthsüpuh, tüshe apinü nimung ching mahsam ki tamkhüntamnüchoh.”

HOSEA 5:11

Ephraim junoa lah, mahkhapkhi ching zünaka lah, tümütüsho apinü akeangkeang dunglim yüpü lümkih.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

YUNIRÜBO RHIMO 5:29

Judüki Peter tüsho amüsüh-thsangyurü püpürünü alo tüsho tha: “Isanü mihtsürü kheaknü a Thrünpuh ki mihyuanibah.

1 SAMUEL 22:17

Kiulongthsüpuhnü api mükamde azhiprü aheangrü ki tha, “Rholoang tüsho Atungpuh amükeamrübo laksahang, tümütüsho arübo she David kilim tsanglah; arünü api tsokhi mükheahlah, tüsho I ki thaa muhuh.” Tüshe kiulongthsüpuh yamlarübonü Atungpuh amükeamrübo laksahpü arü khah mushuhkih.