ABEKHIT 1:14 - AMÜSÜH HÜM CL Bible (BSI)

¹⁴ Arünü dujunglo le lotaklung tüsho thulu ching rhimo mungji alala müküpde rhimoshihkhinü arü rhangdung thsünüshih. Arünü rhimo alala ching arü thsümüchide rhimoshih.

ABEKHIT 1:14 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

1 KIULONG THSÜRÜ 12:14

tüsho athrününgtsüngbonü athsunganahkhi yande apinü arü ki tha, “I buhnü nüsa hah mülangshihdo, tüshe inü nüsa hahmülang kheak khiojihbah; I buhnü nüsa rhaptsonü dando, tüshe inü nüsa lungthsührinü adanbah.”

MUNGSHIKHÜN 129:1

“Arünü I athunu kim chingnü thsümüchido,” Israelnü kheakü thashang–

MUNGSHIKHÜN 68:13

Nüsa namfimihnu boto bolung lalashe, nüsa shotoyinchinü alüpdokhi müthrithrümpü ghidükeangbo, tüsho anihbe moghidung suna kelülü nangde alabah.”

MUNGSHIKHÜN 81:6

Apinü tha, inü nü ngam kheaknü hahmülang shuhkhijih; inü lotaklung hahbo shuhkhijih.

ABEKHIT 1:11

Jumonü Ijiprübonü Israelrü kurungkheak aputungrü zojihbah thsümüchide rhimo rhimoshih. Tüsho Israelrübonü kiulongthsüpuh yo ahiuharapung kiutobo Pithom tüsho Rameses thsüjih.

ABEKHIT 1:13

Tüsho Ijiprübonü Israelrübo kheak amuzho mülade thsümüchipü tankih.

ABEKHIT 1:15

Judüki Ijip kiulongthsüpuhnü Ibrirü zübe-mütrürü Shipra tüsho Pua ane ki tha,

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 6:9

Jumonü Mosanü Israelrü ki ha tha; tüshe arü mulong masühkhi tüsho thsümüchi azhorü kuhi lakhinü arünü Mosa ki mani.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

ISAIA 10:24

Jumonü Wuto Atungpuhnü ha thachoh: O Zion ching lakhi I mihtsürü, Ijiprünü arhimokhi nangde Asiriarünü nüsa tsonü alakkhi tüsho nüsa azhihde shitso shuhkihkhi dütre.

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 51:23

Tüsho inü ju nü thsümüchirü khah ching yukjihbah, shepünü nü ki tha, “Mükhümang, junangde isanü nü kheak tsahanü;” tüsho nünü nü düthsün ju atsahpung lo nangde tüsho arü thsungkheak kiudunglimro nangde kamshih.

ISAIA 52:5

Kheakü jumonü I ha ching tümü la, Atungpuhnü tha, amütsan mülade I mihtsürü bede atsokhea? Arü yakzanshuhrübonü keangrümünechoh, tüsho mutukzhakde nimungroro I mung mükhemükim thsüchoh.

ISAIA 58:6

Inü mokhitkhi khümkeak ha, thiyuro mülakhi liu trünpü, sangkap liu trünpü, junoa larü zuzude yüshihpü, tüsho sangkap alala yihshakpü yung de?

LEVI 25:43

Nünü api kheak müküpde thiyuzüng dahori, tüshe nünü nü Thrünpuh wüntreang.

LEVI 25:46

Tüsho nünü arübo nü tsührübo thsungkheak yamrüplurüp thsüde azojihpü kuklah, arübo kamruhroro nüsa azhorü thsübah. Tüshe nüsa keoniorü Israelrü tsührübo kheak nüsanü müküpde yakzan düshuh.

LEVI 25:53

Api kam abande amulokhi yamlarü nangde alabah, tütüshe nü miki api putungrünü api kheak thiyuzüng müküpde mahoribeah.

MIKA 3:3

sherünü I mihtsürü shih tsühcho, arü küp khukkhicho, arü robo adütre kamde yihnakcho, tüsho dubo le phühto ching lakhi shih nangde khapthünakcho.

NAHUM 3:14

Ayanchoki thsungkheak ke khipang, nü chipibo thsakhamang; lotaklung thsüpü alo müleang, tüsho lotaklung tsanglungang!

WÜHKHE 20:15

künangde isa jipürü Ijip ching yükikhea, tüsho isa kim ashang Ijip ching lakhea, tüsho Ijiprünü isa le nüsa jipürü kheak thsümüchikhea.

YUNIRÜBO RHIMO 7:19

Apinü isa mihtsürü le isa jipürübo, arü khungarübo asheshihpü thüyam chingnü yihkhita bahpü nimkih tüsho junode rhimo.

YUNIRÜBO RHIMO 7:34

Tsükjide Ijip ching arü thsümüchikhi tüsho arü ashekhi inü sodo, tüsho arü bekhitpü I akikheah. Kheakü arang, inü nü Ijip lim yüshihanü.’

YUZÜNGTHALO 26:6

Tüsho Ijiprünü isa kheahmüchihde thsümüchi, tüsho azhorü nangde rhimo amüküp nimkih-a rhimoshih.

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

RUTH 1:20

“I ki Naomi de düji,” anihbenü alo, “ Mara de jiang, tümüde Wuto Thrünpuhnü I kheak khide khühde rhimodo.