3 JOHAN 1:8 - AMÜSÜH HÜM CL Bible (BSI)

⁸ Jumonü isabo thiyuro ching rukhüh rhimorü thsüpü thsüde isanü hadürü mihtsürü rungbeah.

3 JOHAN 1:8 Iomraidhean Croise

MUNGSHIKHÜN 94:16

Amütsü rhimorü azhihde I thsungkheak shepü asürüba? Amülim rhimorü azhihde I thsungkheak shepü zhipba?

MATHI 10:14

Tüsho sherünü nüsa müleangkhiba yungsho nüsa yubo maniba, ju yam yungsho kiuto chingnü nüsa chamachihchoki, nüsa jing kheaknü asungthulung adan khia bahang.

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

LUKNÜ ATHRÜTKHI THIYUSHEAK-ATSÜ HUHTANYU 11:7

tüsho apinü alunglimnü alode athabah, ‘I küpkhuk düjih; kheaküa khimdopü rihdo, tüsho I tsührübo I lung yapkiu ching lah; inü asürübah nü kilim müjihkhuk’?

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

2 KORINT 8:23

Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah.

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

KOLOSI 4:11

tüsho Justa de ajikhi Jisunü she salüm mühahchoh. Thrünpuh kiulongthsü thsungkheak rukhüh rhimorü bolung harü lang tsütabahkhi mihtsürübo ah, tüsho arü ju I mulong shukheam khülang lakheah.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

PHILEMON 1:2

tüsho isa keoniorü Applia, isa müyamrü bonungrü Arkipa, tüsho nüsa yam ching lakhi borü kilim:

PHILEMON 1:24

Tüsho I lung rhimorü Mark, Aristarka, Dema, tüsho Luknü she ah.

3 JOHAN 1:10

Jumonü küyimki I arübanü, apinü isa azhihde amütsü yubo thakhi lahkhitbah. Ju kheaknü reangmükeamde apinü keoniorübo beyukpü reanglochoh. Apinü arü beyukpü mulongrü she tukloshihchoh tüsho borü chingnü yankhita bahchoh.

3 JOHAN 1:7

Tümüde arünü Khrista tankihpü ching tsahmusu tüsho amükinrü kheaknü tümü she müleangkhi.

3 JOHAN 1:9

Inü borü ki tümüanü thrütdo; tüsho akhuhpü mulongbuh Diotrephesnü inü athakhi manide alabah.