3 JOHAN 1:2 - AMÜSÜH HÜM CL Bible (BSI)

² Amuzho müyambuh, nü alala tsüde alapü tüsho nü shihphü atsü thsungkheak inü tamkhüntamnüchoh; nü me tsüde lah de inü mükheahlah.

3 JOHAN 1:2 Iomraidhean Croise

MATHI 9:12

Ju sobah Jisunü tha, “Phü tsürü thsungkheak thümürü yihnüpü müla, tüshe tukthsürü thsungkheak ah.

FILIPI 2:27

Atsütsü api ashepü thsüde tukthsüde alakheah. Tüshe Thrünpuhnü api le I kheak mihmüthsüm huhdo, jude yungkhülaa I a mulong rozhaknü mulong rozhak lapü lakheah.

FILIPI 2:4

Nüsa mihbüm abannü nihbuhnü amulongkhi lang dükheah, tüshe püpürünü amulongkhi she kheahang.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TESALONIKA 2:13

Tüshe Atungpuhnü muzhokhi keoniorübo, isanü kamruhroro Thrünpuh ki makshe jihpü lah, tümütüsho Menü atsangkhitkhi hode akhümkhitpü tüsho thiyuro ching kinpü atankih chingnü Thrünpuhnü nüsa mokhit.

JAKOB 5:12

Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

3 JOHAN 1:1

Azothsürü kilimnü, Thiyuro ching inü amuzhokhi müyambuh Gaius kilim.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.