3 JOHAN 1:1 - AMÜSÜH HÜM CL Bible (BSI)

¹ Azothsürü kilimnü, Thiyuro ching inü amuzhokhi müyambuh Gaius kilim.

3 JOHAN 1:1 Iomraidhean Croise

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 20:4

Pyrrha tsührü Berearü Sopaternü api atru; tüsho Tesalonikarü Aristarka tüsho Sekunda; Derberü Gaia tüsho Timothi; tüsho Asiarü Tykika tüsho Trophima.

ROMRÜ KILIM PAULNÜ ATHRÜTKHI KIHÜM HUHTANYU 16:23

I tüsho borü alala yamputungpuh Gaianü nüsa kilim salüm jihchoh. Kiuto rahpung akambuh Erasta tüsho isa keoniorü Quartanü nüsa kilim salüm jihchoh.

1 KORINT 1:14

Krispa tüsho Gaia kheak hode inü nüsa sheshe mübaptikhi Thrünpuh kilim makshe jihchoh;

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

3 JOHAN 1:2

Amuzho müyambuh, nü alala tsüde alapü tüsho nü shihphü atsü thsungkheak inü tamkhüntamnüchoh; nü me tsüde lah de inü mükheahlah.