2 TIMOTHI 4:8 - AMÜSÜH HÜM CL Bible (BSI)

⁸ Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

2 TIMOTHI 4:8 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

MUNGSHIKHÜN 7:11

Thrünpuh ju thiyuro mahkhaprü ah, tüsho Thrünpuhnü mihbukmuyuk kheak animokhün bukakhiukchoh.

MÜCHITMUDU 4:9

Anihbenü nü ku kheak amüthsüm zülu yihkihjihbah; anihbenü nü kilim müretah kuthran jihbah.”

MALAKI 3:17

Arü I yo thsübah, Wuto Atungpuhnü thachoh, inü arhimopü nimung tsüde akhukhi I yamalo thsübah, tüsho bebuhrünü arü khinkih thsürü arü tsührübo müthsümkhi nangde inü arü müthsümbah.

MATHI 24:36

“Tüshe ju nimung tüsho kim ju Abuh kheak hode, yinmi yunirübo yungsho atsührü yungsho shenü she mümükheah.

MATHI 7:22

Ju nimung ahihkhühnü I ki thabah, ‘Atungpuh, Atungpuh, isanü nü mung chingnü mümüchit de, nü mung chingnü amünean mebo müyankhit de, tüsho nü mung chingnü khinthiyinbebo ahihdo mürhimo de?’

LUKNÜ ATHRÜTKHI THIYUSHEAK-ATSÜ HUHTANYU 10:12

Tüshe ju nimung ju kiuto kheaknü Sodom thsungkheak alü arümkheam labah de inü nüsa ki thachoh.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

1 KORINT 3:13

mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah.

1 KORINT 9:25

Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah.

2 KORINT 5:2

Tüsho yinmi ching yo thüyam isa kheak phukihpü khide künsahde isa mulong dukchoh,

FILIPI 3:11

junangde kuksho ashe chingnü arhang kamlokhi khiungbah.

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 5:4

Tüshe keoniorübo, ha nimungnü ahührünü nangde nüsa müyinsahshihpü thsüde nüsa amiting ching müla.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

1 TIMOTHI 6:19

hanangde arübe ching arü thsungkheak khimtan atsü thsüchoh, junangde arünü atsütsü rhangdung lakhi rhangdung kheak ramrihbah.

2 TIMOTHI 1:10

tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 1:18

Ju nimung Atungpuh kilimnü mihmüthsüm apinü angüpü Atungpuhnü mülüshang! Efisia ching apinü I rungde arhimokhi alala nünü mükheahlah.

2 TIMOTHI 2:5

Jukthülahrü khülangnü thiyuzüng yande mazhihachihsho akuk kuthran müleangkhichoh.

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh:

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 12:11

Adanyukkhi ju anükhühkheak asühpü yungde thsünükhi lah; ju dunglim judürünü adanyukrü kilim thiyuro-lungki mungtsü sangaso akhiukshihchoh.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 PETER 1:4

tüsho nüsa khilim yinmi zojihkhi müdükheakbe, mümüneanbe, tüsho müthsümünimbe yamrüplurüp kilim,

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.