2 TIMOTHI 4:7 - AMÜSÜH HÜM CL Bible (BSI)

⁷ Inü thirithsü atsü keochihdo, inü alihkhi bando, inü akin zodo.

2 TIMOTHI 4:7 Iomraidhean Croise

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

WÜHKHE 8:25

tüsho kam thünimpü ching a arübo rhimo chingnü atuklobah, tüsho kheaküa mütankih,

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

JOHAN 17:6

“Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

YUNIRÜBO RHIMO 13:25

Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

GALATIA 2:2

Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

FILIPI 1:30

tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.

1 TIMOTHI 1:18

I tsührü Timothi, akhuhlim nü dünkheak müchitkhi yande, jurü hode nünü tsüde keochihpü thsüde ha thsangdan nü kilim jihchoh,

1 TIMOTHI 6:12

Akin keochih atsü keochihang; ahihdo thiyumütsan mikinü alokhichoki nü jikhi lün rhangdung ramrihang.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 1:14

isa kheak lakhi Amüsüh Me hode nü ki thiyikhi thiyuro aheangang.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

AMIKHEAKAKHIUKKHI 3:8

“‘Inü nü rhimobo mükheahlah. Kheahang, shenü she mürihkhukpü thsüde inü nü miki ripit khimshuhkhi zolah; nü sühmüh ninilah de inü mükheahlah, tütüshe nünü I yu zodo tüsho I mung müreanglo.

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.

MAHKHAPRÜ 3:2

(Ha hodü lang Israel tsührübo püpüki thiri müthsüakheahrü ki thsangyupü lakheah):