2 TIMOTHI 4:3 - AMÜSÜH HÜM CL Bible (BSI)

³ Thiyuro thsangyukhi mihtsürübonü marümkheampü kim arüchoh, tüshe nükhünbo rangrangde arü nihbuh künkhi ayede thsangyurübo bemukhungbah,

2 TIMOTHI 4:3 Iomraidhean Croise

1 KIULONG THSÜRÜ 18:22

Judüki Elijanü mihtsürübo ki tha, “Atungpuh wukihrü bolung I lang aninga lah; tüshe Baal wukihrübo akhekhi 450.

1 KIULONG THSÜRÜ 22:18

Israel kiulongthsüpuhnü Jehoshaphat ki tha, “Apinü I dünkheak atsübe mümüchit de inü nü ki mütha de, tüshe thsümütsü lang?”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

ABEKHIT 32:33

Atungpuhnü Mosa ki alo, “Sherübo I azhihde neak yihbeakdünü inü I hüm chingnü nankhita bahbah.

ISAIA 28:12

shepü ki apinü tha, “Ha sühakhim; akhirü kilim sühakhim jihang; tüsho ha atsungkheampung”; tütüshe arünü musode alabah.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 27:9

Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

JEREMIA 29:8

Tümüde Wuto Atungpuh , Israel Thrünpuhnü ha thachoh: Nüsa lung larü wukihrü tüsho müchitrübonü nüsa dümülapyukshih, tüsho arünü milim mikhi nüsanü dani,

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 6:26

“Mihtsürü alalanü nüsa tsakamkhi dünkheak asukchoki nüsa are, tümüde arü bebuhrünü arükchih wukihrübo ki jude athsükheah.

JOHAN 8:45

Tüshe inü thiyuro thakhinü, nüsanü I kheak mükin.

YUNIRÜBO RHIMO 17:21

Kheakü ju ching lakhi Athenrü tüsho khiungkerübonü tümüanü aso thakhi tüsho anikhi ching lang kim hoshih.

1 KORINT 2:1

Keoniorübo, küyimki I nüsa kilim arükheanü, inü thiyu ato yungsho lümlung thade Thrünpuh aramyu nüsa ki müthsangyuthsangra.

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

GALATIA 4:16

Dale tüsho nüsa ki thiyuro thakhinü I nüsa riri kamdü de?

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

2 TIMOTHI 1:13

Jisu Khrista kheak lakhi akin tüsho amuzho ching nünü I kheaknü asokhi thiyuro yubo yanang;

JUDNÜ ATHRÜTKHI KIHÜM HUHTANYU 1:18

arünü nüsa ki tha, “Akheam kim ching arü nihbuh mükinkhi shihkünkhi yande luhmünerübo labah.”