2 TIMOTHI 4:2 - AMÜSÜH HÜM CL Bible (BSI)

² Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

2 TIMOTHI 4:2 Iomraidhean Croise

MUNGSHIKHÜN 40:9

Inü mukhungmüdan ato ching thiyuro-lungki yusheak atsü zhiyuk; inü I münküp müyihdo, O Atungpuh , nünü mükheahlah.

JONA 3:2

“Asürang, kiuto ato Nineve lim yüang, tüsho inü nü ki thakhi thiyusheak ju ching zhiyukang.”

LUKNÜ ATHRÜTKHI THIYUSHEAK-ATSÜ HUHTANYU 7:23

Shepü I dünkheaknü adukiuhlokhi mülanü asühpü.”

LUKNÜ ATHRÜTKHI THIYUSHEAK-ATSÜ HUHTANYU 7:4

Tüsho küyimki arübo Jisu ki arükhea, arünü api ki mushude tha, “Apinü nü mihkhah lupü lümlah, api thsungkheak rhimojang,

LUKNÜ ATHRÜTKHI THIYUSHEAK-ATSÜ HUHTANYU 9:60

Jisunü api ki tha, “Asherünü asherü kiuyuka bahshang, tüshe nünü yübah Thrünpuh kiulongthsü thsangyuthsangraang.”

YUNIRÜBO RHIMO 13:5

Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah.

YUNIRÜBO RHIMO 16:13

tüsho Amuni isanü kiuto chipi aleanglim, tamkhüntamnü mukhung dangpung ngüpü mükkin thsüde ayung lim yü. Isanü bin tüsho ju ching mukhungkhi aliberübo ki asukachihpü tankih.

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

YUNIRÜBO RHIMO 28:16

Küyimki isa Rom khiungkhea, Paul ju api aheangpü bonungrü bede alangzü lapü mülü.

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

KOLOSI 4:3

I küpü dünkheak rihyam ching la, Khrista aramyu khipkhitpü thiyusheak thsungkheak Thrünpuhnü ripit khimshuhpü isa thsungkheak she tamkhüntamnüjang,

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

1 TESALONIKA 5:20

müchitkhi mükhemükim düthsü,

1 TIMOTHI 4:13

I marüyi khiungde, boto amüsühyu khekhi tüsho thsangyuthsangrapü le thsangyupü ching nü kim jihang tüsho mürangang.

1 TIMOTHI 5:20

Sherünü neak yihbeakchonü boto mikinü thürühang, junangde aninga larübonü atrekhi ching zhipbah.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

TITA 1:13

Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah,

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.

IBRI 13:22

Keoniorübo, inü tuthsukde athakhi yu arümde anipü nüsa ki mushuchoh, tümüde inü nüsa kilim akhihkhühnü thrütdo.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.