2 TIMOTHI 4:18 - AMÜSÜH HÜM CL Bible (BSI)

¹⁸ Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

2 TIMOTHI 4:18 Iomraidhean Croise

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

MUNGSHIKHÜN 121:7

Atungpuhnü amütsü alala chingnü nü küma lashihbah; apinü nü me küma lashihbah.

MUNGSHIKHÜN 37:28

Tümüde Atungpuhnü thiyuro muzhochoh, tüsho api yo amüsührübo mübahyuk; arübo lünnü küma lah, tüshe mihbukmuyuk tsühsoniusobo yankhita bahbah.

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MATHI 13:43

Judüki thiyurolungkirü arü Abuh kiulongthsü ching ani nangde atahbah. Nüsa nükhün kihlasho aniang.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 11:4

Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

LUKNÜ ATHRÜTKHI THIYUSHEAK-ATSÜ HUHTANYU 22:29

Tüsho I Buhnü I kheak jihkhi nangde inü nüsa kheak kiulongthsü khülang jihchoh,

JOHAN 17:15

Arübo alomi chingnü luakhinpü inü nü ki mütamkhüntamnü, tüshe nünü arübo amütsübe chingnü küma lashang.

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

ROMRÜ KILIM PAULNÜ ATHRÜTKHI KIHÜM HUHTANYU 16:27

Alala lümlung labuh, Thrünpuh kilim lang, Jisu Khrista hode lün thsungkheak müretahshang! Amen.

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

1 KORINT 15:50

Keoniorübo, inü nüsa ki ha thachoh: Shih tüsho thiyihnü Thrünpuh kiulongthsü yamrüplurüp mulukhuk, yungsho adükheakbenü amüdükheakbe yamrüplurüp muluchoh.

2 KORINT 1:10

apinü ashepü akhito chingnü bekhit, tüsho isa bekhitchoh; isanü api kheak kinchoh junangde kheaküshe apinü isa bekhitchoh.

GALATIA 1:5

api kilim lünnü lün müretahkhi thsang! Amen.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh:

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 PETER 5:11

Api kilim lünnü lün wu lashang. Amen.

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.