2 TIMOTHI 4:17 - AMÜSÜH HÜM CL Bible (BSI)

¹⁷ Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

2 TIMOTHI 4:17 Iomraidhean Croise

MUNGSHIKHÜN 109:31

Tümüde api zhochihrü khah tsülim, api bahyukrü kheaknü akhümkhitpü zhiplah.

MUNGSHIKHÜN 22:21

Kekhüzübo mün chingnü, mütüm moshipungbo juhbo chingnü I khümkhitang.

MÜCHITMUDU 20:2

Kiulongthsüpuh bukmükekhi ju kekhüzü arungkhi lah; shepünü küdah thsüde bukakhiukchonü nihbuh rhangdung azhihde neak yihbeakchoh.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

DANIEL 6:27

Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

LUKNÜ ATHRÜTKHI THIYUSHEAK-ATSÜ HUHTANYU 1:1

Isa bolung dünjikhi thrütpü ahihkhühnü mürang.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

ROMRÜ KILIM PAULNÜ ATHRÜTKHI KIHÜM HUHTANYU 15:31

junangde Judea ching amükinrübo kheaknü I bekhitbah, tüsho Jirusalem ching I tankihkhi amüsührübo ki aleangkhikhukbe labah,

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

2 TIMOTHI 3:11

thsümüchikhi, thsünükhi, Antiok le Ikonium tüsho Lystra ching I kheak dünjibah inü arümkheamkhi mükheahdo; tütüshe jurü alala chingnü Atungpuhnü I khümkhit.

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

1 SAMUEL 17:37

Davidnü tha, “Atungpuh , shepünü kekhüzü tüsho kuto münjak chingnü I khümkhitkheanü apinü ha Filistiabuh khah chingnü I khümkhitbah.” Jumonü Saulnü David ki tha, “Yüang, tüsho Atungpuh nü lung lashang!”