2 TIMOTHI 3:17 - AMÜSÜH HÜM CL Bible (BSI)

¹⁷ junangde Thrünpuh mihtsürü ju rhimo atsü alala thsungkheak banthsangde, yeankhita labah.

2 TIMOTHI 3:17 Iomraidhean Croise

NEHEMIA 2:18

Tüsho Thrünpuhnü küruk I lung lakhea tüsho I rungde, tüsho kiulongthsüpuhnü tümü thakheanü arü ki thaa huh. Arünü alo, “Isanü athsülopü tankihanü!” Tüsho arünü rhimo tankihpü tsanglung.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

2 KORINT 9:8

Tüsho Thrünpuhnü nüsa kilim müngühmühi lüpdükhi suhdahde ajihpü kuklah, junangde nüsa kamruhroro lüpdükhi suhdahde alabah tüsho rhimo atsübo thsungkheak suhdahde ajihbah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 3:1

Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

IBRI 10:24

isanü muzhoachihpü tüsho rhimo atsü rhimopü khülangnü khülang thurumusuachihpü lümanü,

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.