2 TIMOTHI 3:12 - AMÜSÜH HÜM CL Bible (BSI)

¹² Atsütsü, Jisu Khrista ching kinde alapü künkhi rhangdung alala athsümüchibah;

2 TIMOTHI 3:12 Iomraidhean Croise

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MARK 10:30

arübo thüyam, khiungmungrü, chiniurü, berü, tsührübo, tüsho alobo thsümüchi lade, ha lün tüsho arüpü lakhi, akheam müla rhangdung ching chinü alü thsükhi müleangkhi.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

1 KORINT 15:19

Isanü ha rhangdung thsungkheak lang Khrista kheak mulonglam lakhülaa, mihtsürü alala kheaknü amuzhobe kuhi thsübah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 4:9

thsümüchido, tüshe mübahyuk; kingmülündo, tüshe müyuri;

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 6:3

Khürünü arükchih kingaünyakzan thsangyukhi tüsho Atungpuh Jisu Khrista thiyuro yubo tüsho akin thsangyukhi kheak mayesho,

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,

JIHUSUA 17:14

Josep trüknü Jihusua ki tha, “ Tümüde nünü isa kilim alo shihchamkhüh lang ajihkhea le? Tümütüsho Atungpuhnü müngühjihkhi hode isa hihdakde lah.”

1 PETER 3:14

Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan.

2 PETER 3:11

Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde,

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.