2 TIMOTHI 2:7 - AMÜSÜH HÜM CL Bible (BSI)

⁷ Inü tümü thachonü lümakheahang, tümüde Atungpuhnü lüpdükhi ching nü kilim anikhitkhi mülüjihbah.

2 TIMOTHI 2:7 Iomraidhean Croise

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

MUNGSHIKHÜN 119:125

I nü yamlarü ah; I ki anikhitkhi jihang, junangde inü nü yakzan thsükhibo mükheahbah.

MUNGSHIKHÜN 119:144

Nü yakzan thsükhibo thiyuro-lungki ju akheam müla; I ki anikhitkhi jihang, tüsho I alabah.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MÜCHITMUDU 24:32

Küyimki inü ju ngükhea, inü tsüde lümakheah; inü kheah tüsho thsangdankhi leangkhi:

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 28:26

Tümüde apinü thiyuro mahkhap anihbuh ki thsangdanchoh; anihbuh Thrünpuhnü api thsangyuchoh.

ISAIA 5:12

Shepü aniojikhi ching bingkhung tüsho bingshang, züpzüppü tüsho khungpi tüsho yukhu ahoricho, tüshe shepünü Atungpuh rhimobo akin müla yungsho api khah rhimo müngü!

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 24:45

Tüsho arünü amüsühyubo anikhitpü thsüde apinü arü lümkhi khimshuhjih.

LUKNÜ ATHRÜTKHI THIYUSHEAK-ATSÜ HUHTANYU 9:44

“Harü yubo nüsa nükhünbo ching yüzahshang, tümüde Mihtsürü Tsührü ju mihtsürübo khah ching yukjihpü thsüchoh.”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

1 TIMOTHI 4:15

Harü rhimobo shuhmülanga jihde külüpang, junangde nü jakihkhi alalanü angübah.

2 TIMOTHI 2:6

Mürangde awochakrü thulu thsürünü hi akhuhbe shihcham lubeah.

2 TIMOTHI 2:8

David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü,

IBRI 12:3

Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 7:4

Kheahang, api küdükhüh ato a! Jipürü Abrahamnü ayankhikhi thürü shihcham api kilim jih.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.