2 TIMOTHI 2:25 - AMÜSÜH HÜM CL Bible (BSI)

²⁵ azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

2 TIMOTHI 2:25 Iomraidhean Croise

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

EZEKIEL 12:3

Jumonü, mihtsürü tsührü, ramtso thsungkheak nü kukrukbo tsanglungang tüsho animuro kim ching arünü akheahchoki tsahmusuang tüsho püpü lim yüang. Arübo azhih mihtsürü thsüthsü she, khükijua arünü anikhitbah.

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

MARK 1:15

tüsho tha, “Kim khiungdo, tüsho Thrünpuh kiulongthsü thüninde lah. Mulong müthriang, tüsho thiyusheak-atsü ching kinang.”

JOHAN 5:34

Tütüshe inü mihtsürü kilimnü thiyumütsan müleangkhichoh; nüsa khümkhitpü thsüde inü harü thachoh.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

1 TIMOTHI 2:4

apinü mihtsürü alala khümkhitpü tüsho thiyuro mükheahde kamshihpü mulongde lah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 3:7

kamruhroro anikhita luchoh tüshe thiyuro mükheahpü mukukkhibo rükyuka luchoh.

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 PETER 3:15

Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.