2 TIMOTHI 2:21 - AMÜSÜH HÜM CL Bible (BSI)

²¹ Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

2 TIMOTHI 2:21 Iomraidhean Croise

MUNGSHIKHÜN 119:9

Küde thsah athunu mihtsürü khülangnü nihbuh limro müsühkhitkhukba? Nü yukhüm mihyuanikhi yande alabah.

ISAIA 1:25

Inü nü azhihde I khah rholobah; yinchikhih tsangkhitkhi nangde nü münean alala yihkhita bahjihbah.

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

JEREMIA 15:19

Jumonü Atungpuhnü ha thachoh: Nünü rholosho, inü nü beloa lubah, tüsho nü I miki zhipbah. Shoto küpüanü nünü thasho tüsho müthülünkhi müthasho, nü I yu tharü thsübah. Arünü nü kilim rholode arübah, nünü arü kilim rholode müyü.

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

1 KORINT 5:7

Nüsa yikhap aso kampü thsüde phaüm awün yihkhita bahang, tümütüsho atsütsü inü mükheahkhi nangde nüsa phaüm muyukkhi yikhap nangde alabah. Tümüde isa phungho-thünio namfimihnunu Khrista laksah-a kingaündo.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

2 KORINT 9:8

Tüsho Thrünpuhnü nüsa kilim müngühmühi lüpdükhi suhdahde ajihpü kuklah, junangde nüsa kamruhroro lüpdükhi suhdahde alabah tüsho rhimo atsübo thsungkheak suhdahde ajihbah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 2:16

Amükinrü yu thakhibo bahkhiang, tümüde junü mihtsürübo alü amükinrü yakli lim bebah,

2 TIMOTHI 2:20

Thüyam ato khülang ching suna tüsho shotoyinchi lang yung tüshe sang tüsho alo kukrukbo she lah, tüsho khürü adungto thsungkheak tüsho khürü mübanmukhiung thsungkheak lah.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

2 TIMOTHI 4:11

Luk lang I lung lah. Nü lung Mark bebah arang; tümüde I rungpü ching api khide yihnüpü lah.

TITA 3:1

Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.