2 TIMOTHI 2:19 - AMÜSÜH HÜM CL Bible (BSI)

¹⁹ Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

2 TIMOTHI 2:19 Iomraidhean Croise

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 34:14

Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MUNGSHIKHÜN 37:18

Atungpuhnü alungkirü nimungbo mükheahlah, tüsho arü yamrüplurüp lünnü alabah.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 10:25

Küyimki chitmühean hobanü, mihbukmuyuk mülatsan, tüshe thiyuro-lungkirü a lünnü düküngde zhipchoh.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

HAGGAI 2:23

Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MATHI 7:23

Judüki inü arü ki khipkhitbah, ‘Inü nüsa küyimkishe mükheah-a müla; I kinü tsoang, nüsa amütsü rhimorübo!’

MATHI 7:25

Tsüng arü, ayungbo düchi arü, apungbo yün, tüsho ju yam kheak nim; tütüshe ju mükeam, tümütüsho ju khimtan lung kheak lakheah.

MARK 12:16

Jumonü arünü lude arü tüsho apinü arü ki tha, “Ha she miro tüsho mung a?” Arünü alo, “Kaesar ah.”

MARK 13:22

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

LUKNÜ ATHRÜTKHI THIYUSHEAK-ATSÜ HUHTANYU 13:27

Tüshe apinü athabah, ‘Inü nüsa ki thachoh, nüsa küchingnüanü inü mümükheah. Nüsa amülim rhimorü alala I kinü tsoang.’

LUKNÜ ATHRÜTKHI THIYUSHEAK-ATSÜ HUHTANYU 6:48

api ju sükde kiubah lungmi kheak khimtanbah thüyam thsükhi mihtsürü kiphahlah; küyimki düchi arübah ju yam kheak zünkheanü ju majan, tümütüsho ju düküngde thsüa lakheah.

JOHAN 10:14

I namfimihnu neakrü atsü; inü I yo namfimihnubo mükheahlah, tüsho arünü I mükheahlah.

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 15:17

junangde aningkhi mihtsürübo, I mung chingnü jia larü khiungkerünü Atungpuh yimbah,

YUNIRÜBO RHIMO 9:14

tüsho ju ching nü mung jirü alala rhükpü amükeam putungrübo kilimnü api thiyukhüm-sühmüh lah.”

ROMRÜ KILIM PAULNÜ ATHRÜTKHI KIHÜM HUHTANYU 11:2

Apinü mükheahjunga lakhi api mihtsürü Thrünpuhnü mübahyuk, Elijanü Israel azhihde Thrünpuh ki mushukhi dünkheak amüsühyunü athakhi nüsanü mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 15:20

Khürünü khimtankhi kheak inü mürhimopü thsüde Khrista mümükheahpung ching thiyusheak-atsü thsangyuthsangrapü ju kamruhroro I mükkheahkih lakheah.

ROMRÜ KILIM PAULNÜ ATHRÜTKHI KIHÜM HUHTANYU 15:9

tüsho junangde khiungkerünü api amüthsüm thsungkheak Thrünpuh müretahpü lakheah. Ha thrüta lah, “Jumonü inü khiungkerü bolung nü shijihbah, tüsho nü shide khün thsübah”;

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 9:11

Thrünpuhnü amokhitkhi lümkhi mutukzhakde ayüpü thsüde arü müzübeyia lalashe tüsho atsü yungsho amütsü tümü mürhimoyia lalashe, rhimobo hode yung tüshe apinü ajikhinü,

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

EFISIA 3:15

shepü kilimnü yinmi ching tüsho alomi kheak yamkhün aban mung jia la,

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

1 TIMOTHI 6:19

hanangde arübe ching arü thsungkheak khimtan atsü thsüchoh, junangde arünü atsütsü rhangdung lakhi rhangdung kheak ramrihbah.

IBRI 11:10

Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 21:14

Kiuto chipi ju khimtan thürükheak mahne, tüsho jurü kheak Namfimihnunu amüsühthsangyurü thürükheak mahne mung lakheah.

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.

AMIKHEAKAKHIUKKHI 3:8

“‘Inü nü rhimobo mükheahlah. Kheahang, shenü she mürihkhukpü thsüde inü nü miki ripit khimshuhkhi zolah; nü sühmüh ninilah de inü mükheahlah, tütüshe nünü I yu zodo tüsho I mung müreanglo.