2 TIMOTHI 2:18 - AMÜSÜH HÜM CL Bible (BSI)

¹⁸ Arünü thiyuro limro bahdo tüsho isa arhang kamlopü dünjiabahdo de athakhinü khürü akin thsümünimjihchoh.

2 TIMOTHI 2:18 Iomraidhean Croise

MATHI 15:13

Tüshe apinü alo, “Yinmi ching I Buhnü mükhimkhi sangrung aban rukkhitbah.

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

LUKNÜ ATHRÜTKHI THIYUSHEAK-ATSÜ HUHTANYU 8:13

Tüsho lungmi kheak hiukihkhi ju thiyu sobah asühde aleangkhirü ah; tüshe harü aying müla, arünü anükhüh kheak kinchoh tüsho rükaki kim ching ayoabahchoh.

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

1 KORINT 11:19

Tümüde nüsa bolung achamnakbo labah, junangde alim larübo mütsanbah.

1 KORINT 15:12

Kheakü Khrista ashe chingnü arhang kamlodo de thsangyuthsangrakheasho, küde thsah nüsa khürünü asherü arhang kamlokhi müla de thakhukla?

KOLOSI 3:1

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.

1 TIMOTHI 1:19

akin düküngang tüsho lümkhi müsühde zoang. Mihtsürü khürünü lümkhi bahyukkhinü arü akin thsümünimdo.

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

1 TIMOTHI 6:21

tümüde ha thakhi hode akin chingnü bephülapde tsodo. Thrünpuh nü lung lashang.

2 TIMOTHI 2:14

Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang.

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

IBRI 3:10

Jumonü inü ju lün kheak I bukakhiuk, tüsho tha, ‘Arünü arü mulong ching kamruhroro tsophülapchoh; arünü I limrobo mümükheah.

JAKOB 5:19

I keoniorübo, nüsa bolung khürü thiyuro chingnü tsokhia labah püpürünü api belode arüsho,

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.