2 TIMOTHI 2:16 - AMÜSÜH HÜM CL Bible (BSI)

¹⁶ Amükinrü yu thakhibo bahkhiang, tümüde junü mihtsürübo alü amükinrü yakli lim bebah,

2 TIMOTHI 2:16 Iomraidhean Croise

EZRA 10:10

Ezra amükeambuhnü jukmusubah arü ki tha, “Nüsa akin müdüküngde lado, tüsho khiungkeberü yihlukhi hode Israelrü kurungkheak neak alü kamdo.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

1 KORINT 15:33

Dümülapyukshih: “Müyamrü amütsünü yakli atsü thsümünimchoh.”

1 KORINT 5:6

Nüsa kükheangkhi ju atsü yung. Phaüm anikhühnü yikhap abümnü lamshihchoh de nüsanü mümükheah de?

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

1 TIMOTHI 4:7

Amükinrü tüsho khakhih yukheanbo chingnü chamkhiang; akin lim nü küdah thsüde mürangang;

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 2:14

Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

TITA 1:14

tüsho Jihudarü yo mümütsankhi yukhean yungsho thiyuro bahyukrü yukhümbo manide alabah.

TITA 3:9

Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

2 PETER 2:2

Ahihdonü arü makhamaleak limrobo yanbah, tüsho arü hode thiyuro ju amütsü kamshihbah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:3

Aku bolung khülang ashebe mü nangde alakheah, tüshe ashebe mü ju nguabah, tüsho alomi lüpdükhinü müyinsahde shiwüh dunglim yan.