2 TIMOTHI 2:1 - AMÜSÜH HÜM CL Bible (BSI)

¹ Jumonü I tsah-a, Jisu Khrista kheak lakhi amüthsüm ching düküngang,

2 TIMOTHI 2:1 Iomraidhean Croise

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

1 KORINT 16:13

Kurhangang, akin ching düküngde zhipang, mulong toang, reangzahang.

EFISIA 6:10

Akheamde, Atungpuh tüsho wuto sühmüh ching düküngang.

FILIPI 4:13

I sühmüh jihbuh hode inü lüpdükhi thsükhuklah.

1 TIMOTHI 1:18

I tsührü Timothi, akhuhlim nü dünkheak müchitkhi yande, jurü hode nünü tsüde keochihpü thsüde ha thsangdan nü kilim jihchoh,

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

2 TIMOTHI 1:1

Jisu Khrista ching lakhi alokhikhi rhangdung yande Thrünpuh lümkhi hode Jisu Khrista amüsüh-thsangyurü Paul kilimnü,

2 TIMOTHI 1:2

Inü muzhokhi I tsührü Timothi kilim: Abuh Thrünpuh tüsho isa Atungpuh Jisu Khrista kilimnü amüthsüm, mihmuzho tüsho mungtsü lashang.

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.