2 TIMOTHI 1:8 - AMÜSÜH HÜM CL Bible (BSI)

⁸ Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

2 TIMOTHI 1:8 Iomraidhean Croise

MUNGSHIKHÜN 119:46

Inü nü yukhümbo kiulongthsüpuh miki thabah, tüsho achih müngüde alabah.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 9:26

Tümüde shepünü I dünkheak achihchonü, Abuh, amüsüh yunirübo tüsho api müretahkhi ching arüchoki Mihtsürü Tsührünü api dünkheak achihbah.

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 19:35

(Tüsho shepünü angükheanü thiyumütsan thsü, tüsho api thiyumütsan thiyuro; tüsho apinü thiyuro thachoh de apinü mükheahlah, junangde nüsanü akinbah.)

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

1 KORINT 1:6

Khrista dünkheak thiyusheak nüsa kheak düküngde kamshih,

2 KORINT 6:7

thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade;

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 3:13

Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

FILIPI 3:10

junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TESALONIKA 3:4

Küyimki nüsa lung isa lakhea, isa thsümüchibah de atannü thajung; nüsanü mükheahde ha dünjido.

1 TIMOTHI 2:6

apinü kim dükdü ching thiyumütsan jihde mihtsürü alala rhokhitpü anihbuh jih.

2 TIMOTHI 1:10

tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 1:16

I alochode reangzahshihkhi thsungkheak Onesiphora yamkhün kilim Thrünpuhnü mihmüthsüm jihshang; I rihyam ching lakhi apinü machih,

2 TIMOTHI 2:3

Jisu Khrista bonungrü atsü nangde thsümütsü ching shihcham luang.

2 TIMOTHI 2:8

David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.