2 TIMOTHI 1:4 - AMÜSÜH HÜM CL Bible (BSI)

⁴ Inü nü chikebo lümkhitchoki nü shorupü künde kamchoh, junangde I asühkhinü mide akambah.

2 TIMOTHI 1:4 Iomraidhean Croise

MUNGSHIKHÜN 126:5

Sherünü chikebo ching hiuchonü asühkhi ching yimlubah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

JOHAN 16:24

Kheakü khiungde nüsanü I mung chingnü tümü mükheang. Kheangang tüsho nüsanü angübah, junangde nüsa asühkhi suhdahde alabah.

YUNIRÜBO RHIMO 20:19

Jihudarünü azhihde rükaki tode lalashe azhihayihde tüsho chike bukde inü Atungpuh tankih;

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

ROMRÜ KILIM PAULNÜ ATHRÜTKHI KIHÜM HUHTANYU 1:11

Tümüde nüsa düküngshihpü thsüde me thsambah jihpü inü nüsa shorupü mulong duklah,

FILIPI 1:8

Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah.

FILIPI 2:26

tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

1 TESALONIKA 2:17

Keoniorübo, lümkhi ching yungde pangnü kim akhihkhüh thsungkheak nüsa kheaknü chamkhia lakhinü, mironü miro nüsa shorupü khide mulong dukde alakheah;

2 TIMOTHI 4:21

Nü tsüngkam müngühnü arüpü mürangang. Eubula, Puden, Klaudia tüsho keoniorü alalanü nü kilim salüm jihchoh.

2 TIMOTHI 4:9

I kilim nahde arüpü nünü mürangang.

1 JOHAN 1:4

Tüsho isa asühkhi khiukdahde alapü thsüde isanü ha thrütchoh.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”