2 TIMOTHI 1:10 - AMÜSÜH HÜM CL Bible (BSI)

¹⁰ tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

2 TIMOTHI 1:10 Iomraidhean Croise

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 45:15

Tsükjide, nü a Thrünpuh, shepü jikla, O Israel Thrünpuh, Akhümkhitrü.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

LUKNÜ ATHRÜTKHI THIYUSHEAK-ATSÜ HUHTANYU 11:36

Junangde nü pang alala amiting mülade ayinnü mide lasho, tsünpung ayinatrümnü nü kheak tahkhi nangde nü pang alala ayinnü mide alabah.”

LUKNÜ ATHRÜTKHI THIYUSHEAK-ATSÜ HUHTANYU 13:7

Judüki apinü kurungasolu neakbuh ki tha, ‘Kheahang, kam mahsam inü ha khubasodung kheak sangaso kheahde arüdo tüshe müngü. Ju kiushakang; tümüde hanü alo kungabahshihchoh?’

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 4:42

Judüki arünü alibe ki tha, “Kheakü nünü athakhi hode isanü kinchoh yung, tümüde ha atsütsü Khrista tüsho alomiküp khümkhitbuh ah de isanü sodo tüsho mükheahdo.”

JOHAN 5:40

Tüshe nüsa rhangdung lapü thsüde nüsanü I kilim arüpü mümulong.

YUNIRÜBO RHIMO 13:23

Thrünpuhnü alokhikhi nangde Israel mihtsürü khümkhitrü kamshihkhi ju David tsühsoniuso Jisu ah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 3:31

Dale tüsho ha akin hode yakzan isanü bahkhicho de? Jude yung! Judübüdün a, isanü yakzan shuhchoh.

ROMRÜ KILIM PAULNÜ ATHRÜTKHI KIHÜM HUHTANYU 6:6

Isa awün api lung yümkihdo de isanü mükheahlah, junangde neak lakhi pang thsümünimbah tüsho kheaküa isa ju neak azhorü müthsü.

1 KORINT 15:26

Akheam thsüde adükheakshihpü thiriri ju ashekhi.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 5:4

Tümüde isa ha khimyam ching lachoki, isa mulong duklah tüsho hahmülang lah, tümütüsho isa muphuyupü yung tüshe yinmi yamnü aphudopü künlah, junangde tümü ashepü lanü rhangdungnü muyuabahbah.

GALATIA 5:4

Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

2 TIMOTHI 1:1

Jisu Khrista ching lakhi alokhikhi rhangdung yande Thrünpuh lümkhi hode Jisu Khrista amüsüh-thsangyurü Paul kilimnü,

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh:

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

TITA 2:11

Tümüde mihtsürü alala khümkhitpü thsungkheak Thrünpuh amüthsüm akhiukdo,

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

2 PETER 2:20

Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

AMIKHEAKAKHIUKKHI 18:1

Ha dunglim yunirü püpü thiyukhüm-sühmüh lade yinmi chingnü akikhi inü ngü; tüsho api mürenü alomi yinde kamshih.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.