2 TESALONIKA 3:6 - AMÜSÜH HÜM CL Bible (BSI)

⁶ Keoniorübo, nüsanü isa kheaknü aleangkhikhi yakli müyande yomuhde alakhi keoniorü kheaknü chamkhibah laang de isa Atungpuh Jisu Khrista mung chingnü nüsa ki thiyukhüm jihchoh.

2 TESALONIKA 3:6 Iomraidhean Croise

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

ROMRÜ KILIM PAULNÜ ATHRÜTKHI KIHÜM HUHTANYU 16:17

Keoniorübo, nüsa ki thsangyukhi akin-yakzan azhihde achamnak tüsho küpkhuk rhimorü mütsanpü nüsa ki tuthsukchoh; arü kheaknü chamkhiang.

1 KORINT 11:2

Lüpdükhi ching I lümkhitkhi tüsho nüsa ki thsangyukhi ching yankhi dünkheak inü nüsa shijihchoh.

1 KORINT 5:4

Küyimki nüsa, isa Atungpuh Jisu Khrista mung chingnü mukhungbanü, tüsho isa Atungpuh Jisu wu bebanü,

1 KORINT 5:9

Müzammüram mihtsürü lung marihpü inü nüsa kilim I yo kihüm ching thrütdo;

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

2 TESALONIKA 2:15

Jumonü keoniorübo, thiyunü yungsho münnü yungsho kihümnü thsüala, isanü nüsa thsangyukhi thiyuro ching düküngde zhipang tüsho ramrihang.

2 TESALONIKA 3:7

Künangde isa kheahkhibanü nüsa küdah thsüde mükheahlah; nüsa lung isa lachoki yomuhde alakhi yung,

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh:

2 JOHAN 1:10

Khürü nüsa kilim arübah ha kingaün-yakzan hande marüsho, api thüyam ching dübeyuk yungsho api ki salüm düthsü;