2 TESALONIKA 3:4 - AMÜSÜH HÜM CL Bible (BSI)

⁴ Tüsho nüsa dünkheak isanü Atungpuh kheak mulongram lah, junangde isanü thiyukhüm jihkhi nüsanü rhimochoh, tüsho mutuklode arhimobah.

2 TESALONIKA 3:4 Iomraidhean Croise

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

ROMRÜ KILIM PAULNÜ ATHRÜTKHI KIHÜM HUHTANYU 15:14

I keoniorübo, nüsa atsünü mide, mükheahmudu alalanü mide, tüsho khülangnü khülang thsangdanachihpü kukkhi hode nüsa dünkheak I reangkeamlah.

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

1 KORINT 14:37

Khürünü api wukihrü, yungsho me-larü ah de lümsho, inü nüsa kilim thrütkhi ju Atungpuh yukhüm ah de apinü amükheahbeah.

1 KORINT 7:19

Tümütüsho tsütabahkhi yungsho tsütamübahkhi yungde Thrünpuh yuzüng zokhi khechoh.

2 KORINT 2:3

I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah.

2 KORINT 2:9

Hamonü nüsanü lüpdükhi ching mihyuanila shi yungnü rükakheahpü tüsho amükheahpü inü thrüt.

2 KORINT 8:22

Tüsho isanü ahihkhüh ching künsahde amütsankhi, tüsho kheakü apinü nüsa kheak mulongram ato lakhinü alü künsahde alakhi isa keoniorü ane lung thiyichoh.

GALATIA 5:10

Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah.

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

1 TESALONIKA 4:10

Tüsho atsütsü nüsanü Macedonia ching keoniorü alala muzhochoh, tüshe keoniorübo, nüsanü alü thsüde arhimopü tuthsukchoh.

2 TESALONIKA 3:12

Kheakü hadürü mihtsürü ki malande arü rhimo rhimopü tüsho arü rhangdung lapü mulomüthsüpü Atungpuh Jisu Khrista mung chingnü isanü thiyukhüm jihde tuthsukchoh.

2 TESALONIKA 3:6

Keoniorübo, nüsanü isa kheaknü aleangkhikhi yakli müyande yomuhde alakhi keoniorü kheaknü chamkhibah laang de isa Atungpuh Jisu Khrista mung chingnü nüsa ki thiyukhüm jihchoh.

PHILEMON 1:21

Nü mihyuanikhi mulongram lade, inü athakhi kheaknü she nünü alü rhimobah de mükheahbah inü nü kilim thrütchoh.