2 TESALONIKA 2:4 - AMÜSÜH HÜM CL Bible (BSI)

⁴ Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

2 TESALONIKA 2:4 Iomraidhean Croise

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:6

Jumonü Atungpuh Thrünpuhnü ha thachoh: Tümütüsho nünü nü lümkhi Thrünpuh lümkhi kheak akeakheah,

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

1 KORINT 8:5

Tümüde thüning tüsho alomi ching thrünpuhbo lalashe– thrünpuhbo tüsho atungrübo ahihdo lah–