2 TESALONIKA 1:9 - AMÜSÜH HÜM CL Bible (BSI)

⁹ Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

2 TESALONIKA 1:9 Iomraidhean Croise

THRÜNTAN 3:8

Arelim anenü Atungpuh Thrünpuh shahwün ching tsahkhi jingkhün sobah api kheaknü shahwün ching sangdung bolung jikabah.

THRÜNTAN 4:16

Jumonü Kainnü Atungpuh kinü tso tüsho Eden aniakhiuklim Nod lomi ching la.

JOB HU H T ANYU 21:14

Arünü Thrünpuh ki thachoh, “Isa zangrü zojang! Isanü nü limrobo mükheahpü mükün.

JOB HU H T ANYU 22:17

Arünü Thrünpuh ki tha, “Isa zangrü zojang,” tüsho “Wutobuhnü isa ki tümü thsükhukpü?”

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 51:11

Nü mikinü I yana dütsoshih, tüsho I kheaknü me amüsüh lude dütsojih.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 2:10

Atungpuh atrebe tüsho api wüntre-müretah chingnü tsokhide lungkhün ching yüzahang tüsho alokhün ching jikang.

ISAIA 2:19

Apinü alomi müzünpü asürüchoh, Atungpuh atrebe tüsho api wüntre-müretah chingnü tsokhide lungkhünbo tüsho alokhün ching yüzahbah.

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 22:13

Judüki kiulongthsüpuhnü yamlarübo ki tha, “Api khah tüsho jing rhükbah bede tsoang, tüsho wungdo amiting ching bahang; ju ching atripkhi tüsho hü mütrütkhi labah.”

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MATHI 26:24

Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”

MATHI 7:23

Judüki inü arü ki khipkhitbah, ‘Inü nüsa küyimkishe mükheah-a müla; I kinü tsoang, nüsa amütsü rhimorübo!’

LUKNÜ ATHRÜTKHI THIYUSHEAK-ATSÜ HUHTANYU 13:27

Tüshe apinü athabah, ‘Inü nüsa ki thachoh, nüsa küchingnüanü inü mümükheah. Nüsa amülim rhimorü alala I kinü tsoang.’

JOHAN 5:14

Ju dunglim Jisunü arüngyam ching api ngü, tüsho tha, “Kheahang, nü tsüde kamdo, neak düyihbeaklo, jude yungsho amütsübe nü kheak arübah.”

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

2 PETER 2:17

Harü mihtsürübo ju ke müzahkhi kekhip tüsho chinthrümnü yünde ayükhi amo ah. Arü thsungkheaknü amiting amürak zojihlah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.