2 TESALONIKA 1:7 - AMÜSÜH HÜM CL Bible (BSI)

⁷ tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 TESALONIKA 1:7 Iomraidhean Croise

ABEKHIT 19:18

Kheakü Sinai Müzüng abümnü mokhüh lakheah, tümütüsho ju kheak Atungpuh mo ching aki. Mokhüh ju mokin ching yo mokhüh nangde aki, tüsho müzüng abümnü niuk.

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ISAIA 57:2

tüsho arü mungtsü ching yüzahchoh; sherünü lungkide tsahchonü arü binkiu kheak sühakhimbah.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

EZEKIEL 1:13

Arhang shiwühbo jakphü ju mokhih aniukhi yungsho tsün nangde alakheah. Monü shiwüh bolung dunglim tüsho müngüh yüla arülade alakheah tüsho mo chingnü chinchobe akhiuk.

DANIEL 7:9

Inü kheahde lachoki, kiulongthsübinkiubo adangpung ching zo tüsho lün labuhnü api binkiu kheak bin, api khimmih ju phürüm nangde müyedo la, tüsho api kuyü ju alamlam hing müthsün nangde; api binkiu ju mo trukhi lakheah, tüsho lolungbe-jingbo ju mo takkhi lakheah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MARK 14:62

Tüsho Jisunü alo, “I ah. Tüsho nünü Mihtsürü Tsührü Wuto khah tsülim binde tüsho thüning kheak amo ching arükhi ngübah.”

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

LUKNÜ ATHRÜTKHI THIYUSHEAK-ATSÜ HUHTANYU 17:30

Mihtsürü Tsührü amikheak akhiukkhi nimung ching junangde alabah.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

1 KORINT 3:13

mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

EFISIA 1:2

Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü laang.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 10:27

tüshe atrebe mahkhap tüsho thiriribo aniuabahpü motru mükkin thsüpü lang lah.

IBRI 12:29

tümüde isa Thrünpuh a aniuabahbe mo ah.

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 4:9

Junangde Thrünpuh mihtsürübo thsungkheak amuni sühakhim aninga lah;

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

JUDNÜ ATHRÜTKHI KIHÜM HUHTANYU 1:7

junangde, Sodom le Gomorra tüsho ju mühi kiutobonü müzammüram tüsho amülim rhimo. Arünü akheam müla mo ching thsümüchinü amütsan thsü.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 22:6

Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.